قومی کمیٹی دا اہم اجلاس اچ قائدِاعظمؒ تے علامہ اقبالؒ دی 150ویں سالڳنڈھ عالمی سطح تے مناوݨ دیاں تیاریاں تیز

اسلام آباد۔ 15 مئی (اے پی پی) وزیرِاعظم دی ہدایت تے پاکستان دے فکری، نظریاتی تے تہذیبی ورثے کوں عالمی سطح تے مؤثر انداز اچ اجاگر کرݨ کیتے بݨائی ڳئی قومی کمیٹی دا ہک اہم اجلاس وفاقی وزیر منصوبہ بندی پروفیسر احسن اقبال دی زیرِ صدارت منعقد تھیا۔ اجلاس اچ بانیِ پاکستان محمد علی جناح تے شاعرِ مشرق علامہ محمد اقبال دی 150ویں سالگنڈھ دیاں تقریبات کوں عالمی سطح تے مناوݨ کیتے جاری اقدامات تے پیشرفت دا تفصیلی جائزہ ڳھدا ڳیا۔اجلاس نال خطاب کریندے وفاقی وزیر احسن اقبال آکھیے تعلیم تئیں رسائی صرف ہک سہولت کائنی قومی ترقی، سماجی مساوات تے تریمتاں دے بااختیار مستقبل دی بنیاد اے۔ انھاں نویں نسل کوں قائدِ اعظمؒ تے علامہ اقبالؒ دے وژن، فکر، قیادت تے پاکستان دی نظریاتی سنڄاݨ نال مؤثر انداز اچ روشناس کراوݨ کیتے جدید میڈیا، فلم، ڈاکومنٹریز، ڈرامہ سیریز تے ڈیجیٹل پلیٹ فارمز دے بھرپور استعمال دی ہدایت ݙتی۔ وفاقی وزیر زور ݙتا ساری پروڈکشنز مستند تاریخی تحقیق، تخلیقی جدت تے عالمی معیار دی پروڈکشن ویلیوز رکھیندیاں ہوون جݙاں ھو معروف رائٹرز، تخلیق کاراں تے پروڈکشن ہاؤسز دی فوری شمولیت وی یقینی بݨائی ونڄے۔اجلاس اچ برصغیر دے مسلم احیاء، اسلامی دنیا دی سائنسی و فکری خدمات، مسلم تہذیب، فنِ تعمیر تے حکمرانی دے روشن پہلوؤاں کوں جدید تے تخلیقی انداز اچ دنیا دے سامݨے پیش کرݨ تے وی اتفاق کیتا ڳیا۔ وفاقی وزیر احسن اقبال متعلقہ اداریں کوں ہدایت کیتی آندے کجھ ݙینہاں اچ قابلِ عمل، جامع تے ٹائم لائن تے مبنی روڈمیپ پیش کیتا ونڄے تاں جو 2026 دیاں قومی تقریبات پاکستان دے نظریاتی، تہذیبی تے فکری سنڄاݨ کوں عالمی سطح تے مؤثر انداز اچ اجاگر کر سڳن۔