قومی اسمبلی کوں ݙسایا ڳئے پنجاب، بلوچستان، سندھ تے اسلام آباد اچ ایں ویلھے ݙو کروڑ 50 لکھ ٻال بنیادی تعلیم توں محروم ہن

اسلام آباد۔ 15 مئی (اے پی پی) قومی اسمبلی کوں ݙسایا ڳئے پنجاب، بلوچستان، سندھ تے اسلام آباد اچ ایں ویلھے ݙو کروڑ 50 لکھ توں زیادہ ٻال بنیادی تعلیم حاصل کرݨ توں محروم ہن، سکول نہ ونڄݨ آلے ٻالاں دیاں عمراں 5 توں 16 سال تئیں ہن۔ قومی اسمبلی اچ وزارتِ تعلیم دی طرفوں ݙسایا ڳیا پنجاب اچ سکول نہ ونڄݨ آلے ٻالاں دی تعداد ساریں توں ودھ اے ، پنجاب اچ ایں ویلھے 90 لکھ 60 ہزار ٻال سکول توں محروم ہن۔ وزارتِ تعلیم و تربیت موجب سکول دی بنیادی تعلیم توں محروم رہݨ آلے ٻالاں دے حوالے نال سندھ ݙوجھے نمبر تے ہے، اتھاں سکول نہ ونڄݨ آلے ٻالاں دی تعداد 70 لکھ 82 ہزار اے، بلوچستان دے 40 لکھ 92 ہزار، اسلام آباد اچ 9 ہزار ٻال سکول دی بنیادی تعلیم توں محروم ہن۔ پاکستان اچ جولائی 2024 توں مارچ 2025 تئیں کل جی ڈی پی دا صرف اعشاریہ 8 فیصد تعلیم تے خرچ کیتا ڳئے۔