بانی پی ٹی آئی دی صحت متعلق گمراہ کن پروپیگنڈا حقائق دے منافی اے، طلال چوہدری

اسلام آباد۔ 15 مئی (اے پی پی) وزیرِ مملکت داخلہ سینیٹر طلال چوہدری بانی پی ٹی آئی دی صحت متعلق گمراہ کن تے بے بنیاد پروپیگنڈے کوں سختی نال مسترد کریندے آکھیے سوشل media تے زیرِ گردش دعوے تصدیق شدہ طبی حقائق دے منافی ہن۔سماجی رابطے دے پلیٹ فارم ایکس (X) تے اپݨی ہک پوسٹ اچ سینیٹر طلال چوہدری آکھیا بانی پی ٹی آئی دی صحت متعلق گمراہ کن پروپیگنڈا حقائق دے منافی اے۔ انھاں آکھیا ہک سینئر میڈیکل بورڈ، جیندے اچ ماہرِ امراضِ چشم، امراضِ قلب، ای این ٹی اسپیشلسٹس، ڈینٹل سرجنز تے ٻئے ماہرین شامل ہن، بانی پی ٹی آئی دا باقاعدگی نال معائنہ کریندے تے سارا علاج بین الاقوامی طبی معیاراں دے مطابق کیتا ویندا پئے۔ انھاں آکھیا بانی پی ٹی آئی دی اکھیں دا کئی واری پاکستان انسٹیٹیوٹ آف میڈیکل سائنسز (پمز) اچ ماہر ڈاکٹراں دی نگرانی اچ علاج کیتا ڳیا تے علاج دے بعد انھاں دی بینائی 6/6 رپورٹ تھئی، جیندے توں ثابت تھیندے علاج کامیاب رہیا۔طلال چوہدری آکھیا سپریم کورٹ آف پاکستان وی جیل سپرنٹنڈنٹ دی طرفوں جمع کرائی ڳئی تفصیلی میڈیکل رپورٹ تے اطمینان دا اظہار کیتے۔ انھاں آکھیا حقیقت اے ہے پاکستان دی تاریخ اچ شاید ہی کہیں قیدی کوں ایجھی سہولتاں ݙتیاں ڳئیاں ہوون، انھاں دی اکھ کوں کوئی نقصان کائنی پُڄا، قوم کوں گمراہ کرݨ دی کوشش بند کیتی ونڄے۔ جݙاں جو احتجاج، جلاؤ گھیراؤ تے انتشار دی سیاست ناکام تھی ڳئی تاں ہݨ ہمدردی کارڈ کھیݙیا ویندا پئے۔ وزیرِ مملکت آکھیا عوام سیاسی مقصد تے مبنی غلط معلومات توں گمراہ نہ تھیون کیوں جو طبی حقائق خود اپݨی گواہی ݙیندے پئن۔