مکہ مکرمہ۔ 16 مئی (اے پی پی) وفاقی وزیر مذہبی امور و بین المذاہب ہم آہنگی سردار محمد یوسف ارضِ مقدس پڄ تے عمرہ دی سعادت حاصل کر ڳھدی اے۔ عمرہ دی ادائیگی دے بعد انھاں پاکستانی عازمین نال تفصیلی ملاقاتاں کیتیاں۔ سردار محمد یوسف حجاجِ کرام نال مصافحہ کیتا تے حج مشن دی طرفوں ݙتی ڳئی سفری، رہائشی تے طبی سہولتاں دے معیار بارے اچ براہِ راست فیڈ بیک …
وفاقی وزیرسردار محمد یوسف عمرہ ادا کیتا، پاکستانی عازمین نال ملاقاتاں
مزید خبراں
مکہ مکرمہ۔ 16 مئی (اے پی پی) وفاقی وزیر مذہبی امور و بین المذاہب ہم آہنگی سردار محمد یوسف ارضِ مقدس پڄ تے عمرہ دی سعادت حاصل کر ڳھدی اے۔ عمرہ دی ادائیگی دے بعد انھاں پاکستانی عازمین نال تفصیلی ملاقاتاں کیتیاں۔ سردار محمد یوسف حجاجِ کرام نال مصافحہ کیتا تے حج مشن دی طرفوں ݙتی ڳئی سفری، رہائشی تے طبی سہولتاں دے معیار بارے اچ براہِ راست فیڈ بیک ڳھدا۔عازمینِ حج وفاقی وزیر کوں اپݨے درمیان پا تے خوشی دا اظہار کیتا تے حکومتِ پاکستان دے انتظامات تے بھرپور اطمینان دا اظہار کیتا۔ وفاقی وزیر مسجد الحرام دے مختلف حصیں تے ملحقہ راہداریاں اچ تعینات حرم گائیڈز تے خدام الحجاج نال ملاقاتاں کیتیاں۔ سردار محمد یوسف موقع تے موجود عملے توں انھاں دے ڈیوٹی امور، شفٹاں دے اوقات تے ضعیف یا رستہ بھل ونڄݨ آلے حجاج دی مدد کیتے نافذ العمل طریقہ کار تے ڳالھ مہاڑ کیتی۔ انھاں الرٹ تے متحرک انداز اچ خدمات سرانجام ݙیوݨ تے خدام دے جذبے دی تعریف کیتی۔ایں موقع تے اپݨے پختہ عزم دا اعادہ کریندے وفاقی وزیر سردار محمد یوسف حج مشن دے حکام تے فیلڈ عملے کوں سخت ہدایات جاری کیتیاں جو عازمینِ حج اساݙے معزز مہمان ہن تے انھاں دی خدمت اچ کوئی کسر نہ چھوڑی ونڄے۔ انھاں تاکید کیتی جو سارے حرم گائیڈز تے خدام 24 گھنٹے الرٹ رہن تاں جو اڄوکے سیزن دے دوران کہیں وی پاکستانی حاجی کوں کہیں پریشانی یا دشواری دا سامݨا نہ کرݨا پووے۔
