وزیراعظم محمد شہباز شریف دا فلسطینی بھراواں تے بھیݨاں نال غیر متزلزل یکجہتی دا اعادہ

اسلام آباد۔ 16 مئی (اے پی پی) وزیراعظم محمد شہباز شریف فلسطینی بھراواں تے بھیݨاں دے نال اپݨی غیر متزلزل یکجہتی دا اعادہ کریندے اسرائیلی قابض حکام دی طرفوں فلسطینیاں تے ڈھائے ونڄݨ آلے ظلم، قبضے تے تشدد دے فوری خاتمے دا مطالبہ کیتے۔ ایکس (X) تے اپݨے پیغام اچ وزیراعظم آکھیا اڄ نکبہ دی 78ویں برسی دے موقع تے اساں 1948 توں فلسطینی عوام دی اپݨے وطن توں بے دخلی، محرومی تے انھاں دی مسلسل اوکھ کوں یاد کریندے پیوں ۔ایں ݙکھے موقع تے پاکستان اپݨے فلسطینی بھراواں تے بھیݨاں دے نال غیر متزلزل یکجہتی دا اعادہ کریندے۔ اساں مطالبہ کریندوں اسرائیلی قابض حکام دی طرفوں فلسطینیاں تے چاتے ونڄݨ آلے ظلم، قبضے تے تشدد دا فوری خاتمہ کیتا ونڄے۔انھاں آکھیا پاکستان ہک واری ول ایں عزم دا اعادہ کریندے جو او جون 1967 توں پہلے دیاں سرحداں دی بنیاد تے ہک خودمختار، آزاد، قابلِ عمل تے جغرافیائی طور تے متصل فلسطینی ریاست دے قیام دی مکمل حمایت کریندے، جیندے دا دارالحکومت القدس الشریف ہووے۔