آندے 24 گھنٹے ملک اچ موسم رُکھا تے تَتا رہسی ، محکمہ موسمیات

اسلام آباد۔ 17 مئی (اے پی پی):آندے چووی گھنٹے ملک اچ موسم تَتا تے رُکھا رہسی جݙاں جو جنوبی/وسطی علاقیں اچ زیادہ تَتا رہسی۔ تاں جو شام/رات ویلھے خیبر پختونخوا، گلگت بلتستان، کشمیر تے ملحقہ پہاڑی علاقیں اچ کجھ جہیں تے مینھ وسݨ دا امکان اے۔محکمہ موسمیات موجب گزریل 24 گھنٹے دے دوران ملک دے اکثرعلاقیں اچ موسم تَتا تے رُکھا جݙاں جو جنوبی ضلعیں اچ ٻہوں تَتا رہیا ۔ وسطی پنجاب تے بنوں اچ تکھی ہوا دے نال کھمݨ گاجاں نال کجھ جہیں تے مینھ تھیاساریں توں ودھ مینھ پنجاب: نور پور تھل 09، فیصل آباد 05، سرگودھا 01، خیبر پختونخوا: بنوں اچ 03 ملی میٹر مینھ ریکارڈ کیتا ڳئے۔اتواردے ݙینھ ریکارڈ کیتے ڳئے ودھ توں ودھ درجہ حرارت: دادو، شہید بینظیر آباد، موہنجو داڑو 46، سبی، روہڑی، خیر پور تے سکھراچ 45 ڈگری سینٹی گریڈ ریکارڈ کیتا ڳئے۔