اسلام آباد۔ 17 مئی (اے پی پی) وزیراعظم محمد شہباز شریف علاقائی سفارت کاری اچ قطر دے تعمیری کردار تے ثالثی کیتے اتفاقِ رائے پیدا کرݨ دیاں کوششاں دی تعریف کیتی۔وزیراعظم دفتر دے میڈیا ونگ توں جاری بیان موجب وزیراعظم محمد شہباز شریف کوں قطر دے وزیراعظم تے وزیرِ خارجہ شیخ محمد بن عبدالرحمن بن جاسم آل ثانی اتوار کوں ٹیلی فون کیتا، ݙوہیں رہنماواں مشترکہ چیلنجز نال نبٹݨ کیتے …
وزیراعظم شہباز شریف تے قطر دے وزیراعظم تے وزیرِ خارجہ شیخ محمد بن عبدالرحمن بن جاسم آل ثانی دا ٹیلیفونک رابطہ
مزید خبراں
اسلام آباد۔ 17 مئی (اے پی پی) وزیراعظم محمد شہباز شریف علاقائی سفارت کاری اچ قطر دے تعمیری کردار تے ثالثی کیتے اتفاقِ رائے پیدا کرݨ دیاں کوششاں دی تعریف کیتی۔وزیراعظم دفتر دے میڈیا ونگ توں جاری بیان موجب وزیراعظم محمد شہباز شریف کوں قطر دے وزیراعظم تے وزیرِ خارجہ شیخ محمد بن عبدالرحمن بن جاسم آل ثانی اتوار کوں ٹیلی فون کیتا، ݙوہیں رہنماواں مشترکہ چیلنجز نال نبٹݨ کیتے سارے متعلقہ فریقاں وچال مسلسل رابطیں تے نیڑے مشاورت دی لوڑھ تے اتفاق کیتا۔ ݙوہیں رہنماواں وچال خوشگوار تے دوستانہ ماحول اچ ڳالھ مہاڑ تھئی ، جیں دے دوران علاقائی تے بین الاقوامی صورتحال تے ڳالھ مہاڑ کیتی ڳئی۔وزیراعظم شہباز شریف خطے اچ کشیدگی دے خاتمے تے امن و استحکام دے ودھارے کیتے پاکستان دی قیادت اچ جاری امن کوششاں دی بھرپور حمایت تے توثیق تے قطری قیادت دا شکریہ ادا کیتا۔ وزیراعظم علاقائی سفارت کاری اچ قطر دے تعمیری کردار تے جاری ثالثی کوششاں دے حق اچ اتفاقِ رائے پیدا کرݨ دیاں کوششاں دی تعریف کریندے تحسین دا اظہار کیتا۔وزیراعظم قطر دے امیر شیخ تمیم بن حمد آل ثانی کیتے نیک تمنائواں دا اظہار کریندے آکھیا جو او انھاں دے سرکاری دورۂ پاکستان دے منتظر ہن۔ ݙوہیں رہنماواں مزید پیش رفت کیتے اعلیٰ سطح دے رابطے باقاعدگی نال جاری رکھݨ تے وی اتفاق کیتا۔
