نائب وزیراعظم تے وزیر خارجہ دی قطر دے وزیرِ مملکت برائے خارجہ امور نال ٹیلیفون تے ڳالھ مہاڑ، خطے دی بدلدی صورتحال تے ڳالھ مہاڑ

اسلام آباد۔ 18 مئی (اے پی پی) نائب وزیراعظم تے وزیر خارجہ سینیٹر محمد اسحاق ڈار سنوار کوں قطر دے وزیرِ مملکت برائے خارجہ امور محمد بن عبدالعزیز الخلیفی نال ٹیلیفون تے ڳالھ مہاڑ کیتی۔ سنوار کوں وزارتِ خارجہ توں جاری بیان دے مطابق ݙوہائیں رہنماواں خطے دی بدلدی صورتحال تے آپسی دلچسپی دے معاملیاں تے ڳالھ کیتی۔ ݙوہائیں پاسوں ایں ڳالھ تے زور ݙتا ڳیا جوعلاقائی چیلنجز نال نبڑݨ کیتے مکالمہ تے سفارتی روابط نہایت اہم ہن۔ قطر دے وزیرِ مملکت محمد بن عبدالعزیز الخلیفی پاکستان دے تعمیری کردار تے جاری سفارتی کوششاں کوں سراہیا۔ نائب وزیراعظم تے وزیر خارجہ سینیٹر محمد اسحاق ڈار خطے تے ایں توں ٻاہروں امن، استحکام تے خوشحالی دے سانجھے اہداف دے فروغ کیتے پاکستان دے عزم دا اعادہ کیتا۔