وفاقی وزیرِ داخلہ دی ڈاگ قلعہ تے تبئی اچ انسدادِ پولیو ٹیماں تے فائرنگ دی پرزور مذمت

اسلام آباد۔ 18 مئی (اے پی پی) وفاقی وزیرِ داخلہ محسن نقوی باجوڑ دے علاقیاں ڈاگ قلعہ تے تبئی اچ انسدادِ پولیو ٹیماں تے فائرنگ دی پرزور مذمت تے فائرنگ نال ݙو کانسٹیبلز سید عزیز تے قادر دی شہادت تے اظہارِ افسوس کیتے۔ سنوار کوں وزارتِ داخلہ توں جاری بیان دے مطابق وزیرِ داخلہ محسن نقوی جامِ شہادت نوش کرݨ آلے کانسٹیبلز عزیز تے قادر کوں خراجِ عقیدت پیش کیتے اتے شہید کانسٹیبلز دے لواحقین نال دلی ہمدردی تے اظہارِ تعزیت کیتے۔ انھاں آکھیا جو کانسٹیبلز عزیز تے قادر فرض دی ادائیگی دے دوران شہادت دا عظیم رتبہ پاتے، ٻالاں دا مستقبل محفوظ بݨاوݨ آلی ٹیماں تے حملہ درندہ صفت عناصر دا گھناؤنا فعل اے۔