وزارتِ اطلاعات تے فنانس وچال سہ ماہی ریلیز دا میکنزم طے شدہ اے، ڈیجیٹل کمیونیکیشن ڈیپارٹمنٹ دی جدت سمیت پی ایس ڈی پی منصوبے جاری ہن، عطاء اللہ تارڑ

اسلام آباد۔ 18 مئی (اے پی پی) وفاقی وزیرِ اطلاعات تے نشریات عطاء اللہ تارڑ آکھیا جو وزارتِ اطلاعات تے فنانس وچال سہ ماہی ریلیز دا میکنزم طے شدہ اے، وزارتِ اطلاعات دے اکثر فنڈز پروکیورمنٹ نال متعلق ہوندن، ڈیجیٹل کمیونیکیشن ڈیپارٹمنٹ دی جدت سمیت پی ایس ڈی پی (PSDP) منصوبے جاری ہن۔ سنوار کوں قومی اسمبلی اجلاس اچ وقفہِ سوالات دے دوران پیپلز پارٹی دی رکن قومی اسمبلی شرمیلا فاروقی دے سوال دے جواب اچ وفاقی وزیرِ اطلاعات آکھیا جو شرمیلہ فاروقی ہمیشہ عوامی اہمیت دے ایشوز کوں اجاگر کریندن۔ وفاقی وزیر آکھیا جو وزارتِ اطلاعات تے وزارتِ خزانہ وچال سہ ماہی ریلیز دا باقاعدہ نظام طے شدہ اے جئیں دے تحت ہر سہ ماہی اچ فنڈز جاری کیتے ویندن۔ انھاں آکھیا جو بعض ادائیگیاں ون ٹائم ہوندن، ایں کیتے پبلک سیکٹر ڈویلپمنٹ پروگرام (پی ایس ڈی پی) دے تحت آوݨ آلے منصوبیاں کیتے درکار فنڈز ایں مناسبت نال فراہم کیتے ویندن۔ عطاء اللہ تارڑ آکھیا جو وزارتِ خزانہ ولوں بھرپور تعاون کیتا ویندے، کمیوٹیشن و پنشن دے اخراجات کیتے وی بروقت فنڈز جاری کیتے ویندن۔ انھاں آکھیا جو معزز رکن درست نشاندہی کیتی اے کیونجو بعض اوقات ریلیزز ضرورت دے مطابق ہم آہنگ نئی ہوندیاں۔ انھاں آکھیا جو وزارت دی کوشش ہوسی جو سہ ماہی بنیاداں تے جاری تھیوݨ آلے سارے فنڈز مکمل طور تے استعمال اچ گھن آندے ونڄن۔ وفاقی وزیرِ اطلاعات آکھیا جو آخری ݙینہاں اچ “ایکسس رینڈرز” وی موصول تھیندن، اساݙی کوشش ہوسی جو انھاں کوں مکمل طور تے بروئے کار لایا ونڄے۔