وزیراعظم شہباز شریف دا تبئی تے ڈاگ قلعہ اچ انسدادِ پولیو مہم دے دوران پولیو ٹیم تے فائرنگ تے 2 پولیس اہلکاراں دی شہادت تے افسوس

اسلام آباد۔ 18 مئی (اے پی پی) وزیراعظم محمد شہباز شریف ضلع باجوڑ سلارزئی دے علاقے تبئی تے ڈاگ قلعہ اچ انسدادِ پولیو مہم دے دوران پولیو ٹیم تے فائرنگ نال سکیورٹی تے مامور 2 پولیس اہلکاراں قادر تے عزیز دی شہادت تے اظہارِ افسوس کریندیں ہوئیں ہجر توں شہید پولیس اہلکاراں کیتے دعائے مغفرت تے انھاں دے اہل خانہ نال تعزیت کیتی اے۔ سنوار کوں وزیراعظم آفس دے میڈیا ونگ توں جاری بیان دے مطابق وزیراعظم واقعہ دی مذمت کیتی اے۔ انھاں آکھیا جو حکومت ملک اچ انسدادِ پولیو مہم بھرپور انداز اچ جاری رکھیسی، دہشت گردی دے عفریت دے مکمل خاتمے کیتے حکومت غیر متزلزل عزم رکھیندی اے۔ وزیراعظم آکھیا جو سارے قانون نافذ کرݨ آلے اداریاں تے عوام دہشت گردی دے خلاف جدوجہد اچ قیمتی جاناں دی قربانیاں ݙتن۔ وزیراعظم فائرنگ دی جلد انکوائری مکمل کر تے ذمہ داران دا تعین کرݨ تے مجرماں کوں کیفرِ کردار تائیں پڄاوݨ دی ہدایت کیتی۔