اسلام آباد۔ 18 مئی (اے پی پی) وزیراعظم محمد شہباز شریف حکومت دے مضبوط اقتصادی اصلاحاتی ایجنڈے تے سرمایہ کار دوست پالیسیاں دے عزم کوں اجاگر کریندیں ہوئیں آکھیا جو حکومت تیز رفتار معاشی ترقی تے ڈیجیٹل تبدیلی دے وژن تے عمل پیرا اے۔ انھاں اے ڳالھیں فریڈم ہولڈنگ کارپوریشن دے بانی، چیئرمین تے چیف ایگزیکٹو آفیسر تیمور تورلوف نال ڳالھ مہاڑ کریندیں ہوئیں کیتا جنھاں سنوار کوں اتھاں انھاں …
حکومت تیز رفتار معاشی ترقی تے ڈیجیٹل تبدیلی دے وژن تے عمل پیرا اے، وزیراعظم شہباز شریف دی فریڈم ہولڈنگ کارپوریشن دے بانی تیمور تورلوف نال ملاقات اچ ڳالھ مہاڑ
مزید خبراں
اسلام آباد۔ 18 مئی (اے پی پی) وزیراعظم محمد شہباز شریف حکومت دے مضبوط اقتصادی اصلاحاتی ایجنڈے تے سرمایہ کار دوست پالیسیاں دے عزم کوں اجاگر کریندیں ہوئیں آکھیا جو حکومت تیز رفتار معاشی ترقی تے ڈیجیٹل تبدیلی دے وژن تے عمل پیرا اے۔ انھاں اے ڳالھیں فریڈم ہولڈنگ کارپوریشن دے بانی، چیئرمین تے چیف ایگزیکٹو آفیسر تیمور تورلوف نال ڳالھ مہاڑ کریندیں ہوئیں کیتا جنھاں سنوار کوں اتھاں انھاں نال ملاقات کیتی۔ وزیراعظم آفس دے میڈیا ونگ توں جاری بیان دے مطابق وفاقی وزیر برائے آئی ٹی شزہ فاطمہ خواجہ، وزیرِ مملکت برائے خزانہ بلال اظہر کیانی، وزیراعظم دے معاونِ خصوصی طارق فاطمی، معاونِ خصوصی برائے صنعت تے پیداوار ہارون اختر خان تے سیکرٹری خارجہ آمنہ بلوچ وی ایں موقع تے موجود ہن۔ وزیراعظم تیمور تورلوف کوں پاکستان آمد تے خوش آمدید آکھیا تے قازقستان دے صدر قاسم جومارت توقایوف کیتے نیک تمناواں دا اظہار کیتا۔ وزیراعظم پاکستان اچ کاروباری سرگرمیاں دے فروغ بشمول فریڈم گروپ دیاں شاخاں دے قیام، ڈیجیٹل مالیاتی خدمات تے کورسپانڈنٹ بینکاری شراکت داریاں اچ گہری دلچسپی ظاہر کرݨ تے تورلوف دا شکریہ ادا کیتا۔ وزیراعظم حکومت دے مضبوط اقتصادی اصلاحاتی ایجنڈے تے سرمایہ کار دوست پالیسیاں دے عزم کوں اجاگر کریندیں ہوئیں آکھیا جو حکومت تیز رفتار معاشی ترقی تے ڈیجیٹل تبدیلی دے وژن تے عمل پیرا اے۔ وزیراعظم پاکستان دی نوجوان آبادی تے ملک اچ تیزی نال پھیلدے ہوئے ڈیجیٹل انفراسٹرکچر دا حوالہ ݙیندیں ہوئیں فریڈم ہولڈنگ کارپوریشن کوں پاکستان دی مالیاتی منڈیاں دی ترقی اچ فعال کردار ادا کرݨ دی دعوت ݙتی۔ ݙوہائیں پاسوں ریٹیل بروکریج, اسلامی بینکاری، فنٹیک جدت تے کیپیٹل مارکیٹ دی ترقی جیہیں شعبیاں اچ ممکنہ تعاون تے وی ڳالھ کیتی ڳئی۔ تیمور تورلوف پاکستان دے اقتصادی مستقبل تے بھرپور اعتماد دا اظہار کریندیں ہوئیں آکھیا جو انھاں دی کمپنی پاکستان دی ترقیاتی ترجیحات نال ہم آہنگ طویل مدتی سٹریٹجک سرمایہ کاری کے مواقع دا سنجیدگی نال جائزہ گھندی پئی اے۔
