نائب وزیراعظم سینیٹر محمد اسحاق ڈار نال متحدہ عرب امارات اچ پاکستان دے سفیر شفقت علی خان دی ملاقات

اسلام آباد۔ 19 مئی (اے پی پی) نائب وزیراعظم تے وزیر خارجہ سینیٹر محمد اسحاق ڈار نال متحدہ عرب امارات اچ پاکستان دے سفیر شفقت علی خان اسلام آباد اچ علاقائی سفیراں دی کانفرنس دے موقع تے ملاقات کیتی۔ ترجمان دفترِ خارجہ توں منگل کوں جاری بیان دے مطابق نائب وزیراعظم ملاقات دے دوران پاکستان تے متحدہ عرب امارات وچال مختلف شعبیاں اچ تعاون کوں ٻیا ودھاوݨ تے ݙوپاسہ تعلقات کوں مضبوط بݨاوݨ دی ضرورت تے زور ݙتا۔ انھاں متحدہ عرب امارات اچ پاکستانی کمیونٹی دے مثبت کردار دا ذکر کریندے ہوئیں ہدایت کیتی جو ݙوہائیں ملکاں وچال عوام توں عوام دے مضبوط روابط کوں فروغ ݙیندے ہوئیں انھاں دی فلاح و بہبود کوں ٻیا سوکھا بݨایا ونڄے۔