پاکستان تے چین وچال آپسی دوستی تے تعلقات دے قیام دی 75ویں سالگرہ دے موقع تے 20 تا 21 مئی 2026 کوں قومی اسمبلی ولوں تقریبات تھیسن

اسلام آباد۔ 19 مئی (اے پی پی) پاکستان تے چین وچال آپسی دوستی تے تعلقات دے قیام دی 75ویں سالگرہ دے موقع تے 20 تا 21 مئی 2026 کوں قومی اسمبلی ولوں تقریبات تھیسن جئیں اچ چین دی نیشنل پیپلز کانگریس (این پی سی) دی قائمہ کمیٹی دے نائب چیئرمین چائی ڈافینگ دی قیادت اچ ہک اعلیٰ سطحی چینی پارلیمانی وفد شرکت کریسی۔منگل کوں قومی اسمبلی سیکرٹریٹ دے مطابق چینی وفد دا اے دورہ سپیکر قومی اسمبلی سردار ایاز صادق تے ڈپٹی سپیکر سید غلام مصطفیٰ شاہ دی خصوصی دعوت تے تھیندا پئے۔ اے دورہ ایجھے ویلھے تھیندا پئے جݙاں عالمی سطح خاص طور تے خطے اچ متعدد چیلنجز درپیش ہن اتے اے پاکستان و چین دے عالمی امن دے فروغ دے مشترکہ وژن دی عکاسی کریندے۔ اے پاک-چین آل ویدر سٹریٹجک کوآپریٹو پارٹنرشپ دی پائیدار مضبوطی کوں ظاہر کریندے اتے ݙوہیں ملکاں وچال پارلیمانی روابط، آپسی تعاون تے عوامی سطح تے تعلقات کوں ٻیا ودھاوݨ دے سانجھے عزم کوں اجاگر کریندے۔دورے دے دوران چینی وفد قومی اسمبلی دے سپیکر، پارلیمانی رہنماؤں تے دیگر معزز شخصیات نال ملاقاتاں کریسی۔ ایں موقع تے پاک چین سفارتی تعلقات دے 75 سال مکمل تھیوݨ دی مناسبت نال قومی اسمبلی اچ خصوصی قرارداد، ثقافتی تقریبات تے تصویری نمائش سمیت متعدد یادگاری سرگرمیاں دا وی اہتمام کیتا ڳئے۔