وزیرِ داخلہ محسن نقوی دا فتنہ الخوارج دے 22 دہشت گردوں کوں جہنم واصل کرݨ تے سکیورٹی فورسز کوں خراجِ تحسین

اسلام آباد۔ 19 مئی (اے پی پی) وفاقی وزیرِ داخلہ محسن نقوی شمالی وزیرستان اچ فتنہ الخوارج دے دہشت گرداں دے خلاف کامیاب آپریشن تے سکیورٹی فورسز دی ستائش کیتی اے ۔ منگل کوں وزارتِ داخلہ توں جاری بیان دے مطابق وفاقی وزیرِ داخلہ محسن نقوی 22 دہشت گرداں کوں جہنم واصل کرݨ تے سکیورٹی فورسز دی پیشہ وارانہ صلاحیتاں کوں سراہیا۔ وزیرِ داخلہ محسن نقوی آکھیا جو سکیورٹی فورسز موثر کارروائی کر تے فتنہ الخوارج دے دہشت گردوں دے مذموم عزائم کوں ناکام بݨایا، سکیورٹی فورسز دے بہادر سپوتوں کوں سلام پیش کرینداں۔ انھاں آکھیا جو قوم دہشت گردی دے خلاف جنگ اچ سکیورٹی فورسز دے شانہ بشانہ کھڑی اے، فتنہ الخوارج دے دہشت گردوں دا انجام عبرتناک موت اے۔ انھاں آکھیا جو قوم دی حمایت نال فتنہ الخوارج دے دہشت گرداں تے سہولت کاروں دا خاتمہ کیتا ویندا پئے۔