اسلام آباد۔ 20 مئی (اے پی پی) چیئرمین سینیٹ سید یوسف رضا گیلانی دی صدارت سینیٹ دا اجلاس شروع تھی ڳئے، جئیں اچ مختلف اہم قومی تے عوامی نوعیت دے امور تے غور کیتا ویسی۔ اجلاس دے دوران ارکان ولوں قانون سازی، عوامی مسائل تے ملکی صورتحال بارے نکات وی چاوݨ دا امکان اے۔ اجلاس دی کارروائی دے دوران چین دی نیشنل پیپلز کانگریس دے وائس چیئرمین دی سربراہی اچ …
سید یوسف رضا گیلانی دی زیرِ صدارت سینیٹ دا اجلاس شروع، مختلف اہم قومی تے عوامی نوعیت دے معاملیاں تے غور کیتا ویسی
مزید خبراں
اسلام آباد۔ 20 مئی (اے پی پی) چیئرمین سینیٹ سید یوسف رضا گیلانی دی صدارت سینیٹ دا اجلاس شروع تھی ڳئے، جئیں اچ مختلف اہم قومی تے عوامی نوعیت دے امور تے غور کیتا ویسی۔ اجلاس دے دوران ارکان ولوں قانون سازی، عوامی مسائل تے ملکی صورتحال بارے نکات وی چاوݨ دا امکان اے۔ اجلاس دی کارروائی دے دوران چین دی نیشنل پیپلز کانگریس دے وائس چیئرمین دی سربراہی اچ اعلیٰ سطح دا چینی پارلیمانی وفد وی ایوان اچ موجود رہا اتے سینیٹ دی کارروائی دا مشاہدہ کیتا۔ چینی وفد دی آمد کوں پاکستان تے چین دے درمیان پارلیمانی روابط دے فروغ دی جانب اہم پیش رفت قرار ݙتا ویندا پئے۔ چینی وفد اجلاس دے بعد چیئرمین سینیٹ سید یوسف رضا نال ملاقات کریسی، جئیں اچ ݙوپاسہ تعلقات، پارلیمانی تعاون، علاقائی صورتحال تے آپسی دلچسپی دے مختلف امور تے تبادلہِ خیال متوقع اے۔ ملاقات اچ پاکستان تے چین وچال دیرینہ اسٹریٹجک شراکت داری کوں ٻیا مضبوط بݨاوݨ دے عزم دا اعادہ وی کیتا ویسی۔
