وزیراعظم نال ایم ڈی بیت المال دی ملاقات، مستحق تے نادار لوکاں کوں بروقت سہولیات دی فراہمی اولین ترجیحات اچ شامل اے، محمد شہباز شریف

اسلام آباد۔ 20 مئی (اے پی پی) وزیراعظم محمد شہباز شریف آکھیے جو مستحق تے نادار لوکاں کوں بروقت سہولیات دی فراہمی حکومت دی اولین ترجیحات اچ شامل اے۔ اے ڳالھیں انہاں مینجنگ ڈائریکٹر بیت المال کیپٹن (ر) شاہین بٹ نال ڳالھ مہاڑ کریندیں ہوئیں کیتی جنھاں وزیراعظم نال ملاقات کیتی۔ بدھ کوں پی ایم آفس دے میڈیا ونگ توں جاری بیان دے مطابق ملاقات اچ ایم ڈی بیت المال وزیرِ اعظم محمد شہباز شریف کوں ادارے دی کارکردگی بارے جائزہ پیش کیتا۔ وزیرِ اعظم آکھیا جو مستحق تے نادار افراد کوں بروقت سہولیات دی فراہمی حکومت دی اولین ترجیحات اچ شامل اے۔ انھاں بیت المال اچ درخواستاں تے عملدرآمد اچ تیزی تے درخواست جمع کرواوݨ دے طریقہ کار کوں ٻیا سوکھا بݨاوݨ دی ہدایت کیتی۔