اسلام آباد۔ 20 مئی (اے پی پی) چین دی نیشنل پیپلز کانگریس دی سٹینڈنگ کمیٹی دے نائب چیئرمین سائی دافنگ دی زیرِ قیادت چینی وفد ایوانِ بالا دی کارروائی دا مشاہدہ کیتا۔ بدھ کوں ایوانِ بالا دے اجلاس اچ مزماناں دی گیلری اچ آوݨ تے چیئرمین سینیٹ سید یوسف رضا گیلانی وفد کوں خوش آمدید آکھیا جو چینی وفد دی آمد پاکستان تے چین دے درمیان دیرینہ دوستی، باہمی اعتماد …
چین دی نیشنل پیپلز کانگریس دی سٹینڈنگ کمیٹی دے نائب چیئرمین سائی دافنگ دی زیرِ قیادت چینی وفد ایوانِ بالا دی کارروائی دا مشاہدہ کیتا
مزید خبراں
اسلام آباد۔ 20 مئی (اے پی پی) چین دی نیشنل پیپلز کانگریس دی سٹینڈنگ کمیٹی دے نائب چیئرمین سائی دافنگ دی زیرِ قیادت چینی وفد ایوانِ بالا دی کارروائی دا مشاہدہ کیتا۔ بدھ کوں ایوانِ بالا دے اجلاس اچ مزماناں دی گیلری اچ آوݨ تے چیئرمین سینیٹ سید یوسف رضا گیلانی وفد کوں خوش آمدید آکھیا جو چینی وفد دی آمد پاکستان تے چین دے درمیان دیرینہ دوستی، باہمی اعتماد تے خیرسگالی دی عکاس اے۔ انھاں آکھیا جو ایں سال پاکستان تے چین دے سفارتی تعلقات دے 75 برس مکمل تھیندے پئن اتے ݙوہائیں ممالک وچال تعلقات آپسی احترام، غیر متزلزل یکجہتی تے مشترکہ مقاصد تے مبنی ہن۔چیئرمین سینیٹ ݙوہائیں ملکاں دے پارلیمانی اداریاں وچال ودھدے ہوئے روابط کوں خوش آئند قرار ݙیندیں ہوئیں آکھیا جو ایجھے تبادلے آپسی افہام و تفہیم تے تعاون کوں فروغ ݙیندن۔ انھاں نیشنل پیپلز کانگریس آف چائنا دے چیئرمین کیتے وی نیک تمناؤں دا اظہار کیتا۔ انھاں امید ظاہر کیتی جو چینی وفد دا اے دورہ پاکستان تے چین وچال خصوصی تعلقات کوں ٻیا مستحکم کرݨ تے پارلیمانی تے تزویراتی تعاون دے نویں مواقع پیدا کرݨ اچ مددگار ثابت تھیسی۔
