اسلام آباد۔ 21 مئی (اے پی پی) وفاقی وزیرِ صحت مصطفیٰ کمال جنیوا اچ ورلڈ ہیلتھ کانفرنس دے موقع تے ایران دے وزیرِ صحت محمدرضا ظفرقندی نال ملاقات کیتی اے۔ ایں موقع تے انھاں ایران اچ اڄوکے واقعات دے دوران بالاں تے ٻئے شہریاں دی شہادت تے ݙکھ تے افسوس دا اظہار کریندیں ہوئیں تعزیت دا اظہار کیتا۔ انھاں آکھیا جو پاکستان مشکل دی ایں گھڑی اچ ایران دے نال …
وفاقی وزیرِ صحت مصطفیٰ کمال دی جنیوا اچ ایران دے وزیرِ صحت نال ملاقات
مزید خبراں
اسلام آباد۔ 21 مئی (اے پی پی) وفاقی وزیرِ صحت مصطفیٰ کمال جنیوا اچ ورلڈ ہیلتھ کانفرنس دے موقع تے ایران دے وزیرِ صحت محمدرضا ظفرقندی نال ملاقات کیتی اے۔ ایں موقع تے انھاں ایران اچ اڄوکے واقعات دے دوران بالاں تے ٻئے شہریاں دی شہادت تے ݙکھ تے افسوس دا اظہار کریندیں ہوئیں تعزیت دا اظہار کیتا۔ انھاں آکھیا جو پاکستان مشکل دی ایں گھڑی اچ ایران دے نال کھڑے، پاکستان کشیدگی اچ ڳھٹکی تے مسئلیاں دے پرامن حل کیتے سارے فریقین دے نال رابطے اچ اے، پاکستان جنگ بندی تے خطے اچ پائیدار امن دے قیام کیتے سنجیدہ کوششاں کریندا پئے۔ ملاقات اچ جنیوا اچ تعینات ایرانی سفیر وی موجود ہن۔ ملاقات دے دوران ݙوپاسہ صحت تعاون تے خطے دی مجموعی صورتحال تے تفصیلی ڳالھ کیتی ڳئی۔ وزارتِ صحت توں جاری بیان اچ آکھیا ڳیا جو ایرانی وزیرِ صحت پاکستان دی قیادت خصوصاً وزیرِ اعظم تے فیلڈ مارشل دی خطے اچ امن دے قیام کیتے مخلصانہ کوششاں کوں سراہیا۔ انھاں آکھیا جو اڄوکے حملیاں دے نتیجے اچ ایران دے کئی ہسپتالاں، صحت دے اداریاں تے اہم انفراسٹرکچر کوں نقصان تھیے۔ وفاقی وزیرِ صحت آکھیا جو پاکستان ویکسین سازی تے فارماسیوٹیکل صنعت کوں مضبوط بݨاوݨ کیتے پُرعزم اے۔ ایں ویلھے پاکستان اچ تقریباً 90 فیصد خام مال چین توں درآمد کیتا ویندے تاہم ملک آپݨی مقامی پیداواری صلاحیت کوں ودھاوݨ چاہندے۔ ݙوہیں ممالک ایں ڳالھ تے اتفاق کیتا جو صحت دے شعبے اچ ہک ٻئے دے تجربیاں توں استفادہ کیتا ویسسی اتے تعاون کوں ٻیا فروغ ݙتا ویسسی۔
