سکیورٹی فورسز دا سپن وام اچ انٹیلی جنس بیسڈ آپریشن، انتہائی مطلوب دہشت گرد عمر عرف جان 4 دہشت گرداں سودھا جہنم واصل

راولپنڈی۔ 21 مئی (اے پی پی) سکیورٹی فورسز شمالی وزیرستان دے علاقے سپن وام اچ انٹیلی جنس بیسڈ آپریشن اچ انتہائی مطلوب دہشت گرد سرغنہ خارجی عمر عرف جان میر عرف تور ثاقب کوں 4 دیگر دہشت گرداں سمیت جہنم واصل کر ݙتا۔ سکیورٹی ذرائع دے مطابق شمالی وزیرستان دے علاقے سپن وام اچ سکیورٹی فورسز آپریشن اچ وݙی کامیابی حاصل کیتی اے، انٹیلی جنس بیسڈ آپریشن اچ انتہائی مطلوب دہشت گرد سرغنہ خارجی عمر عرف جان میر عرف تور ثاقب 4 ٻئے دہشت گرداں سمیت جہنم واصل کر ݙتے ڳئن۔ خارجی سرغنہ عمر عرف جان میر عرف ثاقب تور دے سر دی قیمت 30 لکھ روپے مقرر ہئی۔ سکیورٹی ذرائع دے مطابق ہلاک فتنہ الخوارج دا سرغنہ سکیورٹی فورسز تے شہریاں تے کئی دہشت گرد حملیاں دا ماسٹر مائنڈ ہئی، خارجی عمر عرف ثاقب تور سپین وام اچ بوبالی مسجد دے اطراف علاقے اچ زیرِ زمین بنکر، سرنگیں اتے بارودی جال وچھا رکھیا ہئی۔ سکیورٹی فورسز مربوط حکمتِ عملی دے تحت دہشت گرداں کوں گھیرے اچ گھن تے جہنم واصل کیتا۔ ماہرین دے مطابق فتنہ الخوارج دے دہشت گرد سرغنہ دی ہلاکت نال علاقے اچ امن بحال تھیسی، انٹیلی جنس بیسڈ آپریشن اچ خوارجی سرغنہ دی ہلاکت فتنہ الخوارج دے دہشت گرداں کیتے ہک ٻہوں وݙا دھچکا اے۔ آپریشن عزمِ استحکام دے تحت فتنہ الخوارج تے فتنہ الہندوستان دے خلاف آپریشن کامیابی نال جاری اے۔