نائب وزیراعظم تے وزیرِ خارجہ محمد اسحاق ڈار دی صدارت قومی اقتصادی کونسل دا اجلاس

اسلام آباد۔ 22 مئی (اے پی پی) نائب وزیراعظم تے وزیرِ خارجہ محمد اسحاق ڈار دی زیرِ صدارت قومی اقتصادی کونسل دا اجلاس جمعہ کوں اتھاں تھیا۔ نائب وزیراعظم دے آفس توں جاری بیان دے مطابق اجلاس اچ سارے صوبیاں تے خطیاں اچ ترقیاتی ترجیحات دی منظوری ݙتی ڳئی جڈانجو ایں دے نال نال قومی ترقی دے اقدامات کوں مضبوط بݨاوݨ تے انفراسٹرکچر سودھے سماجی شعبے دی ضروریات کوں پورا کرݨ تے توجہ ݙتی ڳئی۔ بیان دے مطابق کلیدی اقدامات اچ ایم ایل ون دا تفصیلی ڈیزائن، حویلیاں ڈرائی پورٹ، لواری ٹنل تئیں رسائی دے کم، تھر کول ریل کنیکٹیویٹی، کچھی کینال، خیبرپختونخوا دے آبپاشی نظام اچ بہتری، جناح ہسپتال اسلام آباد، سندھ ہیومن کیپیٹل 1000 ڈیز پروگرام، سندھ فلڈ ری ہیبیلیٹیشن سپورٹ تے دیامرل باشا دے انتظامات شامل ہن۔ نائب وزیراعظم اجلاس دے دوران بنیادی ڈھانچے دی ترقی، بہتر عوامی خدمات، علاقائی توازن تے طویل مدتی اقتصادی ریزیلینس تے حکومت دی مسلسل توجہ دا اعادہ کیتا۔ اجلاس اچ وزیرِ خزانہ و ریونیو، وفاقی وزیرِ پلاننگ اینڈ ڈویلپمنٹ، وزیرِ منصوبہ بندی پنجاب، وزیرِ آبپاشی سندھ، وزیراعظم دے معاونِ خصوصی طارق باجوہ، سیکرٹری اقتصادی امور ڈویژن، سیکرٹری صحت، سیکرٹری پانی، سیکرٹری پلاننگ تے متعلقہ وزارتاں دے سینئر حکام شرکت کیتی۔