اسلام آباد۔ 24 مئی (اے پی پی) چیئرمین سینیٹ سید یوسف رضا گیلانی کوئٹہ اچ چمن پھاٹک دے نیڑے تھیوݨ آلے دھماکے دی سخت لفظاں اچ مذمت کریندیں ہوئیں قیمتی انسانی جاناں دے ضیاع تے ݙاݙھے ݙکھ تے افسوس دا اظہار کیتے ۔ اتوار کوں سینیٹ سیکرٹریٹ توں جاری تھیوݨ آلے بیان اچ چیئرمین سینیٹ شہداء دے گھر آلیاں نال دلی تعزیت تے ہمدردی دا اظہار کریندیں ہوئیں آکھیے جو …
چیئرمین سینیٹ سید یوسف رضا گیلانی دی کوئٹہ اچ تھیوݨ آلے خودکش دھماکے دی مذمت تے قیمتی انسانی جاناں دے ضیان تے افسوس
مزید خبراں
اسلام آباد۔ 24 مئی (اے پی پی) چیئرمین سینیٹ سید یوسف رضا گیلانی کوئٹہ اچ چمن پھاٹک دے نیڑے تھیوݨ آلے دھماکے دی سخت لفظاں اچ مذمت کریندیں ہوئیں قیمتی انسانی جاناں دے ضیاع تے ݙاݙھے ݙکھ تے افسوس دا اظہار کیتے ۔ اتوار کوں سینیٹ سیکرٹریٹ توں جاری تھیوݨ آلے بیان اچ چیئرمین سینیٹ شہداء دے گھر آلیاں نال دلی تعزیت تے ہمدردی دا اظہار کریندیں ہوئیں آکھیے جو دہشت گردی دی بزدلانہ کارروائیاں قوم دے حوصلے پست نئی کر سڳدیاں۔ انھاں آکھیے جو دہشت گرد عناصر ملک دے امن تے استحکام کوں نقصان ݙیوݨ دی مذموم کوشش کریندے پئن جڈانجو پوری قوم دہشت گردی دے خلاف ہک مٹھ اے۔ سید یوسف رضا گیلانی متعلقہ حکام کوں ہدایت کیتی جو زخمیاں کوں بہترین طبی سہولتاں ݙتی ونڄن تے انھاں دی تکھے صحت یابی کیتے ہر ممکن اقدامات کیتے ونڄن۔ چیئرمین سینیٹ آکھیے جو امن دے دشمناں کوں آپݨے مذموم عزائم اچ کامیاب نہ تھیوݨ ݙتا ویسی۔ انھاں دہشت گردی دے خلاف جنگ اچ قانون نافذ کرݨ آلے اداریاں دی قربانیاں کوں خراجِ عقیدت پیش کریندیں ہوئیں دہشت گردی دے مکمل خاتمے دے قومی عزم کوں دہرائے۔ انھاں دھماکے اچ جاں بحق تھیوݨ آلے لوکاں دے درجات دی بلندی، لواحقین کیتے صبرِ جمیل تے زخمیاں دی تکھے تے مکمل صحت یابی کیتے دعا وی کیتی۔
