وزیراعظم شہباز شریف دا بیجنگ اچ عظیم عوامی ہال آمد تے پرتپاک استقبال، گارڈ آف آنر پیش کیتا گیا

بیجنگ۔ 25 مئی(اے پی پی)وزیراعظم شہباز شریف دا چینی دارالحکومت بیجنگ اچ عظیم عوامی ہال، جتھاں او اپݨے چینی ہم منصب لی چیانگ نال ملاقات اتے وفود دی سطح تے مذاکرات کیتے پُجین، آمد تے پرتپاک استقبال اتے گارڈ آف آنر پیش کیتا گیا۔ وزیراعظم رسمی استقبالیہ تقریب اچ پڄیے تاں چینی وزیراعظم لی چیانگ انھاں دا استقبال کیتا۔ ݙوہاں رہنماواں مصافحہ کیتا اتے ہک ٻئے کوں اپݨے اپݨے وفود نال متعارف کرایا۔ ایں موقع تے پاکستان اتے چین دے قومی ترانے وڄائے گئے ڄݙاں جو ݙوہاں رہنما سلامی دے چبوترے تے کھڑے رہے۔ چینی مسلح افواج دے چاق و چوبند دستے وزیراعظم کوں گارڈ آف آنر پیش کیتا جیںدا وزیراعظم معائنہ وی کیتا۔ وزیراعظم شہباز شریف 23 توں 26 مئی 2026 تک چین دے سرکاری دورے تے ہن۔