اسلام آباد۔ 25 مئی (اے پی پی)وفاقی وزیر خزانہ و محصولات سینیٹر محمد اورنگزیب نال پاکستان اچ برطانیہ دی ہائی کمشنر جین میریٹ ملاقات کیتی۔ انہاں پاکستان اتے برطانیہ دے تعاون، اقتصادی اصلاحات، علاقائی صورتحال اتے باہمی دلچسپی دے امور سودھا جاری روابط بارے الایا۔ وفاقی وزیر خزانہ بدلدی عالمی اقتصادی صورتحال اتے ایںدے پاکستان دی معیشت تے ممکنہ اثرات خصوصاً علاقائی جغرافیائی و سیاسی پیش رفت اتے توانائی دی …
وفاقی وزیر خزانہ و محصولات محمد اورنگزیب دی برطانوی ہائی کمشنر نال ملاقات
مزید خبراں
اسلام آباد۔ 25 مئی (اے پی پی)وفاقی وزیر خزانہ و محصولات سینیٹر محمد اورنگزیب نال پاکستان اچ برطانیہ دی ہائی کمشنر جین میریٹ ملاقات کیتی۔ انہاں پاکستان اتے برطانیہ دے تعاون، اقتصادی اصلاحات، علاقائی صورتحال اتے باہمی دلچسپی دے امور سودھا جاری روابط بارے الایا۔ وفاقی وزیر خزانہ بدلدی عالمی اقتصادی صورتحال اتے ایںدے پاکستان دی معیشت تے ممکنہ اثرات خصوصاً علاقائی جغرافیائی و سیاسی پیش رفت اتے توانائی دی عالمی منڈی اچ اتار چڑھائو سانڳے حکومت دا موقف پیش کیتا۔ انھاں معیشت اچ استحکام برقرار رکھݨ، بیرونی شعبے تے دبائو کوں موثر انداز اچ سنبھالݨ اتے طویل المدتی اقتصادی نمو اتے پائیداری کیتے جاری اصلاحاتی عمل کوں برقرار رکھݨ کیتے حکومت دی کوششاں دا ݙسایا۔ انھاں ٹیکس نیٹ کوں وسعت ݙیوݨ، محصولات اچ اضافے، تعمیل دے نظام کوں مضبوط بݨاوݨ اتے ٹیکنالوجی تے مبنی اصلاحات اتے ڈیجیٹلائزیشن دے ذریعے شفافیت کوں فروغ ݙیوݨ کیتے اقدامات دی وی تفصیل پیش کیتی۔ ملاقات اچ اتفاق تھیا جو اقتصادی استحکام اتے عالمی سپلائی چینز کوں درپیش ابھردے چیلنجز نال نمٹݨ کیتے مکالمہ، بین الاقوامی تعاون، اتے مربوط کوششاں انتہائی اہم ہین۔ برطانوی ہائی کمشنر علاقائی امور تے پاکستان دے مسلسل مثبت کردار دی تعریف کریندے پاکستان دی اقتصادی اصلاحات اتے ترقیاتی ترجیحات کیتے برطانیہ دی حمایت دا اعادہ کیتا۔
