وزیراعظم شہباز شریف دی امتِ مسلمہ کوں حج دی مبارکباد

اسلام آباد۔ 26 مئی (اے پی پی)وزیراعظم محمد شہباز شریف حج دے ایں روح پرور اتے برکتیں والے موقع تے امتِ مسلمہ اتے خاص طور تے فریضہ حج ادا کرݨ والے سارے حجاج کرام کوں دلی مبارکباد ݙتی اے۔ منگل کوں وزیراعظم آفس دے میڈیا ونگ توں حج 1447 ہجری تے جاری تھیوݨ والے سنیہے اچ وزیراعظم آکھیے جو حج دا مبارک ݙینھ عبادت کرݨ والیاں کیتے اللہ تعالیٰ دی رحمت اتے فضل و کرم کوں پاوݨ دا بہترین موقع اے، اللہ تعالیٰ حاجیاں اتے سارے مسلماناں دی عبادات کوں قبولیت ݙیوے اتے اسلامی اقدار کوں اپݨی عملی زندگی اچ رائج کرݨ دی توفیق ݙیوے، حج دا اے پروقار اجتماع امتِ مسلمہ دے آپسی اتحاد اتے اجتماعی ذمہ داری دے احساس کوں ودھیندے، ایں محبت، ایثار اتے آپسی تعاون دے جذبے اچ ہی اصل قومی اتے اجتماعی ترقی و خوشحالی دا راز لُکیا ہویا اے۔ انہاں آکھیا جو حج دیاں اِنہاں برکتاں والیاں اتے پاک ویلھے اچ پاکستان من حیث القوم پوری دنیا اچ امن، سلامتی اتے استحکام کیتے دعاگیر اے، اساں دُعا کریندے ہیں جو عالمی امن، عدل و انصاف، رواداری اتے ٻھرا ٻھرپی دی فضا تکڑی تھیوے تاں جو انسانیت دی فلاح اتے اجتماعی بھلائی کیتے کم تھی سڳے۔