صدرِ مملکت عیدالاضحیٰ دی نماز زرداری ہاؤس نواب شاہ اچ ادا کیتی

اسلام آباد۔ 27 مئی(اے پی پی)صدرِ مملکت آصف علی زرداری عیدالاضحیٰ دی نماز زرداری ہاؤس نواب شاہ اچ ادا کیتی۔ ایوانِ صدر دے پریس وِنگ دے مطابق صدرِ مملکت ملکی سلامتی، ترقی اتے خوشحالی سانگے خصوصی دعا کیتی۔ صدرِ مملکت نمازِ عید توں بعد شہریاں تے معززین نال عید ملی۔ عیدالاضحیٰ دے موقع تے زرداری ہاؤس نواب شاہ اچ شہریاں دی وݙی تعداد شرکت کیتی۔ ڈپٹی اسپیکر قومی اسمبلی سید غلام مصطفیٰ شاہ، صوبائی وزیر علی حسن زرداری، ضیاء الحسن لنجار اتے عاشق حسین زرداری وی زرداری ہاؤس اچ نمازِ عید پڑھی۔ میئر نواب شاہ رشید بھٹی، ڈپٹی میئر مبشر آرائیں، منتخب نمائندیاں اتے اعلیٰ افسران وی عیدالاضحیٰ دی نماز اچ شرکت کیتی۔