نائب وزیر اعظم تے وزیر خارجہ سینیٹر محمد اسحاق ڈار دی بحرینی ہم منصب ڈاکٹر عبداللطیف بن راشد الزیانی نال ملاقات

نیویارک۔ 27 مئی (اے پی پی)نائب وزیر اعظم تے وزیر خارجہ سینیٹر محمد اسحاق ڈار نیویارک اچ بحرین دے وزیر خارجہ ڈاکٹر عبداللطیف بن راشد الزیانی نال ملاقات کیتی۔ دفتر خارجہ دے مطابق ݙوہاں رہنماواں پاکستان اتے بحرین وچال مضبوط برادرانہ تعلقات دا اعادہ کریندے ہوئیں تجارت، سرمایہ کاری اتے اقتصادی شعبیاں اچ تعاون ودھاوݨ تے ڳالھ مہاڑ کیتی۔ انہاں اقوام متحدہ سودھا کثیرالجہتی فورمز اتے علاقائی ترقی و تعاون تے وی الائے۔ فریقین اقوام متحدہ دی سلامتی کونسل دے ساتھی منتخب ممبران سودھا مختلف شعبیاں اچ پاکستان اتے بحرین دی شراکت داری کوں مزید مستحکم کرݨ تے اتفاق کیتے۔