اسحاق ڈار دی پرتگال دے وزیر خارجہ نال ملاقات

نیویارک۔ 27 مئی (اے پی پی): نائب وزیرِ اعظم و وزیرِ خارجہ سینیٹر محمد اسحاق ڈار نیویارک اچ پرتگال دے وزیر برائے خارجہ امور پائولو رینگل نال ملاقات کیتی۔ ٻدھ کوں دفتر خارجہ توں جاری بیان دے مطابق ݙوہاں رہنماواں باہمی دلچسپی دے امور، فوطرفہ تعلقات، علاقائی صورتحال اتے اقوامِ متحدہ سودھا کثیرالجہتی فورمز تے تعاون نال جڑے امور تے الائے۔ پرتگال دے وزیرِ خارجہ مغربی ایشیا اچ پاکستان دی ثالثی دی کوششاں کوں سراہے۔ ݙوہاں رہنماواں فلسطین دے مسئلے تے وی ڳالھ مہاڑ کیتی۔ نائب وزیرِ اعظم وزیرِ خارجہ پائولو رانگل کوں پاکستان دے دورے دی دعوت وی ݙتی جیہڑی انہاں قبول کر گھدی اے۔