نیویارک۔ 27 مئی (اے پی پی)نائب وزیرِ اعظم و وزیرِ خارجہ سینیٹر محمد اسحاق ڈار نیویارک اچ جمہوریہ کولمبیا دی وزیرِ خارجہ روزا یولانڈا ولاویسینسیو نال ملاقات کیتی اے۔ وزارت خارجہ توں جاری بیان دے مطابق ݙوہاں رہنماواں تجارت، سرمایہ کاری، تعلیم، دفاع، ثقافت اتے کثیر الجہتی روابط اچ تعاون کوں ٻیا تکڑا کرݨ دے طریقیاں تے الائے۔ ݙوہیں ملک ایں ویلھے اقوامِ متحدہ دی سلامتی کونسل دے رکن ہن، …
اسحاق ڈار دی کولمبیا دی وزیر خارجہ نال ملاقات
مزید خبراں
نیویارک۔ 27 مئی (اے پی پی)نائب وزیرِ اعظم و وزیرِ خارجہ سینیٹر محمد اسحاق ڈار نیویارک اچ جمہوریہ کولمبیا دی وزیرِ خارجہ روزا یولانڈا ولاویسینسیو نال ملاقات کیتی اے۔ وزارت خارجہ توں جاری بیان دے مطابق ݙوہاں رہنماواں تجارت، سرمایہ کاری، تعلیم، دفاع، ثقافت اتے کثیر الجہتی روابط اچ تعاون کوں ٻیا تکڑا کرݨ دے طریقیاں تے الائے۔ ݙوہیں ملک ایں ویلھے اقوامِ متحدہ دی سلامتی کونسل دے رکن ہن، جیندے تناظر اچ عالمی اتے علاقائی امور تے وی ڳالھ مہاڑ تھئی۔ نائب وزیرِ اعظم و وزیرِ خارجہ سینیٹر محمد اسحاق ڈار علاقائی اتے بین الاقوامی امور تے کولمبیا دے اصولی موقف کوں سراہیا اتے اقوامِ متحدہ سودھا کثیر الجہتی فورمز تے کولمبیا نال مضبوط شراکت داری سانگے پاکستان دی خواہش ݙسائی۔ فریقین فلسطین دی صورتحال سودھا علاقائی اتے بین الاقوامی پیش رفت تے الائے اتے مذاکرات، سفارت کاری اتے اقوامِ متحدہ دے چارٹر اتے بین الاقوامی قوانین دی پاسداری سانگے اپݨا عزم دوہرائے۔ انہاں پاکستان اتے کولمبیا دے تعلقات کوں ٻیا تکڑا کرݨ سانگے مستقل اعلیٰ سطح دے رابطے اتے ادارہ جاتی روابط برقرار رکھݨ تے وی اتفاق کیتے۔
