ہمیشہ 73 دے آئین دے تحت کم کیتے، ملک مل تے مضبوط ٻݨیسوں، صدرِ مملکت

اسلام آباد۔ 29 مئی (اے پی پی)صدرِ مملکت آصف علی زرداری آکھیے جو ہمیشہ 73 دے آئین دے تحت کم کیتے، ملک مل تے مضبوط ٻݨیسوں، انہاں اے ڳالھ اندرونِ سندھ دے علاقے مورو اچ منتخب نمائنداں اتے معززین نال ملݨ ویلھے آکھی۔ انہاں آکھیا جو بھٹو دی وراثت کوں اگو ڳھن تے ویسوں، اساں ہمیشہ 73 دے آئین دے تحت کم کیتے، سارے رل تے ملک کوں ٻݨیسوں۔ صدرِ مملکت آکھیا جو بھٹو خاندان دے شہداء ملک کیتے جاناں ݙتن، پاکستان ہے تاں اساں ہیں، جدید دور اچ زراعت کوں ترقی ݙتی ویسی۔ انہاں آکھیا ڄڈاں بھارت دے جہاز ݙھوائے تاں اُنھاں دی عقل ٹھکانے آئی، بھارت دے او 8 جہاز ݙھوائن جیڑھے معصوم پاکستانیاں تے بم سٹ تے ڳئے ہن، بھارت دے 40 جہاز نشانے تے ہن جنھاں کوں چاہندے تاں ݙھوا سڳدے ہاسے، اساں بھارت کوں ہک ہفتے دی جنگ اچ سبق سکھایا، بھارت اچ مسلماناں نال تھیوݨ والے مظالم میڈیا تے نئیں ݙکھائے ویندے، بھارتی حکومت سوچݨ سمجھݨ دی صلاحیت توں محروم اے۔