آسٹریلیا نال ون ݙے سیریز کیتے چنڳی تیاری اے، شاہین شاہ آفریدی

راولپنڈی۔ 29 مئی (اے پی پی) پاکستان ون ڈے کرکٹ ٹیم دے کپتان شاہین آفریدی آکھیے جو آسٹریلیا دے خلاف چنڳی تیاری اے، امید اے ٹیم مایوس نا کریسی۔ راولپنڈی اچ پریس کانفرنس کریندے شاہین آفریدی دا آکھݨ ہا جو کیمپ اچ ٹریننگ ݙاݙھی چنڳی رہی اے، ہر کھلاڑی ساݙے کیتے ٻہوں اہم اے۔ اُنھاں آکھیا جو آسٹریلیا دے خلاف چنڳی تیار اے، سٹار کھیݙاڑی بابر اعظم دیہݨ تئیں کارکردگی ٻہوں چنڳی رہی اے، امید اے او بہترین پرفارم کریندے رہسن۔ قومی ون ڈے کرکٹ دے کپتان دا آکھݨ ہا جو نوجوان کھلاڑیاں کوں موقع ݙیوݨ مستقبل کیتے اہم اے، رضوان ڄیکر سیریز اچ کائنی٨ تاں ایںدا مطلب اے نئیں جو اوندا کیریئر مُک ڳئے، امید اے جو نوجوان کھلاڑی چنڳاں کھیݙ ݙکھیسن، پچ دی کنڈیشن ݙیکھ تے بولنگ اتے بیٹنگ دا فیصلہ کیتا ویسی۔