ویمن ٹی 20 ٹرائی سیریز: ویسٹ انڈیز پاکستان کوں 25 رنز توں ہرا ݙتے

ڈبلن۔ 30 مئی (اے پی پی)آئرلینڈ اچ ویمن ٹی 20 ٹرائی سیریز دے پہلے میچ اچ پاکستان ویمن ٹیم کوں ویسٹ انڈیز 25 رنز توں ہرا ݙتے۔ کاسل ایونیو گراؤنڈ تے ویسٹ انڈیز پہلے بیٹنگ کریندے ہوئیں 199 رنز ٻݨائے۔ کپتان ہیلی میتھیوز60، اسٹافنی ٹیلر 39، جانیلا گلاسگو 42 رنز ٻݨاؤئے۔ ولدے اچ پاکستان ویمنز ٹیم 20 اوراں اچ 8 وکٹاں تے 182 رنز ٻݨا سڳی۔ منیبہ علی 2، گل فیروزہ 6، سائرہ جبین 30، اتے عالیہ ریاض 38، کپتان فاطمہ ثنا 28 ٻݨا تے آؤٹ تھئی۔ پاکستان ویمن ٹیم سیریز اچ اپݨا ݙوجھا میچ 31 مئی کوں آئرلینڈ دے خلاف کھیݙسی۔