انڈر 18 ہاکی ایشیا کپ اچ پاکستان دا شاندار آغاز، چین کوں 3 صفر توں ہرا ݙتے

لاہور۔ 30 مئی (اے پی پی)انڈر 18 ہاکی ایشیا کپ اچ پاکستان شاندار آغاز کریندے ہوئیں پہلے میچ اچ چین کوں 3 صفر توں ہرا ݙتے۔ پاکستان پہلے کوارٹر اچ ݙو گول کیتے، کھیݙ دے چھیویں منٹ اچ محمد عثمان گول کر تے قومی ٹیم کوں برتری ݙوائی، پنڄ منٹ بعد عدیل گول کر تے پاکستان دی برتری ݙو صفر کر ݙتی۔ ݙوجھے اتے تریجھے کوارٹر اچ کوئی وی ٹیم گول نہ کر سڳی۔ چوتھے اتے آخری کوارٹر اچ سلمان یاسین گول کر تے پاکستان کوں ترائے صفر توں کامیابی ݙوائی۔ ایں ٹورنامنٹ اچ پاکستان ٹیم اپݨا ݙوجھا میچ آݙت کوں ملائیشیا دے خلاف کھیݙسی۔