کہیں دا متبادل نئیں ٻݨݨ چاہندا، اپݨی نویکلی سنڄاݨ ٻݨیساں، عرفات منہاس

لاہور۔ 31 مئی(اے پی پی)پاکستان دے نوجوان بالر عرفات منہاس آکھیے جو ڈیبیو میچ اچ ٹیم کوں جیت ݙواوݨ دی خوشی اے، پاکستان دے ہزارویں ون ڈے میچ اچ فتح خوشی کوں ودھا ݙتے۔ میڈیا نال الیندے عرفات منہاس آکھیے جو گرمی ݙاݙھی ہئی ٻھل پچ خشک ہووݨ پاروں اسپنرز کوں مدد ملی۔ کنڈیشنز اسپنرز کیتے سازگار ہن تہوں ٹاس جِت تے پہلے باؤلنگ دا فیصلہ کیتا ڳیا۔ انہاں آکھیا جو کھیݙ اچ میݙے والدین ٻہوں حوصلہ ودھائے اتے ٻئے وی کئی لوکاں ساتھ ݙتے۔ انہاں آکھیے جو ڈیبیو تے دباؤ ضرور ہوندے ٻھل میکوں بالکل وی پریشر محسوس نئیں تھیا۔ انڈر 19 ہووے یا پی ایس ایل، میں کرکٹ دی ہر سطح تے چنڳی کارکردگی ݙکھاوݨ دی کوشش کیتی اے، کہیں دا متبادل نئیں ٻݨݨ چاہندا، اپݨی نویکلی سنڄاݨ ٻݨیساں، کوشش ہوسی جو میں ٹیم دا مستقل رکن ٻݨاں۔ ایں توں پہلے پاکستان دے لیفٹ آرم اسپنر عرفات منہاس جیندا تعلق اولایا دی دھرتی ملتان نال اے، آسٹریلیا دے خلاف میچ اچ ون ڈے ڈیبیو تے 5 وکٹاں گھنݨ والے پہلے پاکستانی ٻݨ ڳئن۔