اسلام آباد۔ 1 جون (اے پی پی) وفاقی وزیر پارلیمانی امور ڈاکٹر طارق فضل چوہدری نال گورنر خیبرپختونخوا فیصل کریم کنڈی ملاقات کیتی، جئیں وچ خیبرپختونخوا دی امن و امان دی صورتحال تے سیاسی امور تے ڳالھ مہاڑ کیتی ڳئی۔ گورنر دفترتوں جاری بیان موجب ملاقات دے دوران دیرہ اسماعیل خان دے دینار ہسپتال وچ کینسر دی تشخیص کیتے جدید مشینری ݙیوݨ تے ڳالھ کیتی ڳئی۔ ݙوہیں اڳواݨاں کینسر دے …
وفاقی وزیر پارلیمانی امور نال گورنر خیبرپختونخوا دی ملاقات
اسلام آباد۔ 1 جون (اے پی پی) وفاقی وزیر پارلیمانی امور ڈاکٹر طارق فضل چوہدری نال گورنر خیبرپختونخوا فیصل کریم کنڈی ملاقات کیتی، جئیں وچ خیبرپختونخوا دی امن و امان دی صورتحال تے سیاسی امور تے ڳالھ مہاڑ کیتی ڳئی۔ گورنر دفترتوں جاری بیان موجب ملاقات دے دوران دیرہ اسماعیل خان دے دینار ہسپتال وچ کینسر دی تشخیص کیتے جدید مشینری ݙیوݨ تے ڳالھ کیتی ڳئی۔ ݙوہیں اڳواݨاں کینسر دے مریضاں کیتے جدید تشخیصی سہولتاں وختی ݙیوݨ یقینی بݨاوݨ تے اتفاق کیتا۔ ایں موقع تے گورنر خیبرپختونخوا ݙسایا جو دینار ہسپتال توں جنوبی خیبرپختونخوا دے ٻہوں سارے اضلاع دے مریض فیدہ چیسن۔ گورنر وفاق تے صوبیں وچال مؤثر رابطیں دی لوڑھ تے زور ݙیندے آکھیا جو صوبیں دی ترقی تے عوامی فلاح کیتے وفاقی و صوبائی تعاون ناگزیر اے۔ انہاں آکھیا جو عوام کوں بہتر طبی سہولتاں ݙیوݨ حکومت دی ترجیحات وچ شامل اے۔ ایں موقع تے خیبرپختونخوا وچ ترقیاتی تے عوامی فلاحی منصوبیں تے وی ڳالھ کیتی۔ گورنر صوبائی ترقی کیتے وفاقی تعاون دے ودھارے تے زور ݙتا
