ملک دے اُتلے علاقیں اچ ݙوتو ترائے جون تئیں اندھاری/کھمݨ گاجاں نال مینھ وسݨ دا امکان اے۔ محکمہ موسمیات

اسلام آباد۔ 1 جون (اے پی پی) محکمہ موسمیات ملک دے اُتلے علاقیں اچ 2 توں 5 جون دے دوران زور دی ہوا تے نال کھمݨ گاجاں نال مینھ وسݨ دی پیشگوئی کیتی اے۔ محکمہ موسمیات موجب مغربی ہوائیں دا سلسلہ 2 جون کوں ملک دے اُتلے علاقیں اچ داخل تھیوݨ دا امکان اے جیڑھا جو 5 جون تئیں برقرار رہݨ دی توقع اے۔ ایں موسمی نظام دے زیرِ اثرپنجاب/اسلام آباد: 2 توں 5 جون دے دوران اسلام آباد/راولپنڈی، مری، گلیات، اٹک، چکوال، جہلم، منڈی بہاؤالدین، گجرات، گوجرانوالہ، حافظ آباد، وزیرآباد، لاہور، شیخوپورہ، سیالکوٹ، نارووال، ساہیوال، جھنگ، ٹوبہ ٹیک سنگھ، ننکانہ صاحب، چنیوٹ، فیصل آباد، اوکاڑہ، قصور، خوشاب، سرگودھا، بھکر، میانوالی، بہاولپور، بہاولنگر، دیرہ غازی خان، ملتان، خانیوال، لودھراں، مظفرگڑھ، راجن پور، رحیم یارخان تے لیہ اچ کہیں کہیں جاہ تے اندھاری تے کھمݨ گاجاں تے وقفے وقفے نال مینھ وسݨ دا امکان اے کجھ جہیں تے زور دا مینھ تے ڳڑھا وسݨ دا وی امکان اے۔ کشمیر/گلگت بلتستان: کشمیر (وادی نیلم، مظفرآباد، راولاکوٹ، پونچھ، ہٹیاں، باغ، حویلی، سدھنوتی، کوٹلی، بھمبر، میرپور) اچ 2 توں 5 جون دے دوران کہیں کہیں جاہ تے زور دی ہوا تے کھمݨ گاجاں نال وقفے وقفے نال مینھ وسݨ دا امکان اے ۔ گلگت بلتستان (دیامیر، استور، غذر، سکردو، ہنزہ، گلگت، گھانچے، شگر) اچ 4 توں 6 جون دے دوران زور دی ہوا تے کھمݨ گاجاں نال مینھ وسݨ دا امکان اے۔خیبر پختونخوا: 2 توں 5 جون دے دوران دیر، چترال، سوات، کوہستان، مالاکنڈ، باجوڑ، شانگلہ، بٹگرام، بونیر، کوہاٹ، بنوں، دیرہ اسماعیل خان، مہمند، خیبر، وزیرستان، اورکزئی، مانسہرہ، ایبٹ آباد، ہری پور، پشاور، مردان، ہنگو تے کرم اچ زور دی ہوا گھلݨ دے نال کھمݨ گاجاں نال مینھ وسݨ دا امکان اے۔کجھ جہیں تے ڳڑھا تے زور دا مینھ تھیوݨ دا وی امکان اے۔بلوچستان اچ 2 توں 4 جون دے دوران شمال مشرقی علاقیں (کوئٹہ، ژوب، شیرانی، زیارت، چمن، قلعہ عبداللہ، قلعہ سیف اللہ، بارکھان تے ڈیرہ بگٹی) اچ زور دی ہوا/اندھاری تے کھمݨ گاجاں نال مینھ وسݨ دا امکان اے۔سندھ اچ 2 توں 4 جون تئیں اتلے تے جنوب مشرقی سندھ (سکھر، لاڑکانہ، جیکب آباد، خیرپور، دادو، گھوٹکی، کشمور، شکارپور تے شہید بینظیر آباد) اچ زور دی ہوا/اندھاری تے کھمݨ گاجاں نال مینھ وسݨ دا امکان اے۔ ممکنہ اثرات تے احتیاطی تدابیر دے زیرِ اثر زور دی ہوا ، ژالہ باری تے آسمانی بجلی ڈھݨ پاروں کمزور ڈھانچیں (سولر پینلز، بجلی دے کھمبے، بل بورڈز وغیرہ) کوں ضیان تھیوݨ دا ݙر اے۔ 3 توں 6 جون دے دوران گلگت بلتستان، کشمیر تے اُتلےخیبر پختونخوا دے پہاڑی علاقیں اچ لینڈ سلائیڈنگ دا خطرہ اے، کاشتکار حضرات موسمی حالات موجب اپݨی فصلاں دی ݙیکھ بھال کرن۔ ایں دوران سیاحواں تے مسافراں کوں محتاط رہݨ تے غیر ضروری سفر توں اجتناب دی ہدایت کیتی ڳئی اے۔ سارے متعلقہ اداریں کوں ’’الرٹ‘‘ رہݨ تے کہیں ناخوشگوار واقعہ توں بچݨ کیتے سارے ضروری اقدامات کرݨ دی ہدایت کیتی ویندی اے۔