وزیراعظم محمد شہباز شریف دی چین دی اکیڈمی آف ایگریکلچرل سائنسز تے پاکستان ایگریکلچرل ریسرچ کونسل وچال تعاون کوں عملی جامہ پواوݨ دی ہدایت

اسلام آباد۔ 1 جون (اے پی پی) وزیراعظم محمد شہباز شریف چین دی اکیڈمی آف ایگریکلچرل سائنسز تے پاکستان ایگریکلچرل ریسرچ کونسل (پی اے آر سی) وچال تعاون کوں عملی جامہ پواوݨ دی ہدایت کریندے آکھیے جو زرعی تحقیق، جدید ٹیکنالوجی تے پاک-چین مشترکہ منصوبیں دے ذریعے پاکستان دے زرعی شعبے اچ انقلابی تبدیلی گھن آئی ونڄ سڳسی۔ وزیراعظم محمد شہباز شریف دی زیرِ صدارت انھاں دے اڄوکے دورہ چین دے دوران منعقدہ پاکستان-چین بزنس ٹو بزنس کانفرنس دے دوران کیتے ڳئے فیصلیں دی پیشرفت دا جائزہ گھنݨ کیتے منعقدہ اجلاس توں خطاب کریندے وزیراعظم آکھیا جو پاکستان تے چین دے نجی شعبے دے درمیان کاروباری رابطے اچ غیر معمولی اضافہ ݙوہیں ملکاں دی اقتصادی شراکت داری دے نویں دور دا آغاز اے۔وزیراعظم دفتردے میڈیا ونگ توں جاری بیان دے مطابق وزیراعظم آکھیا جو چین دے نال صنعتی، زرعی تے تکنیکی تعاون دے ودھارےتوں پاکستان دی برآمدات اچ ودھارا تے روزگار دے نویں موقع پیدا تھیسن. انہاں ہدایت کیتی جو ہانگژو بی ٹو بی کانفرنس اچ طے پاوݨ آلی مفاہمتی یادداشتاں کوں وقتی باقاعدہ معاہدیں تے سانجھے منصوبیں اچ تبدیل کیتا ونڄے۔ وزیراعظم آکھیا جو بی ٹو بی کانفرنس متعلق پیش رفت دا جائزہ گھنݨ کیتے ماہانہ بنیاداں تے اجلاس دی او خود صدارت کریسن۔ انہاں ہدایت کیتی جو چین دی اکیڈمی آف ایگریکلچرل سائنسز تے پاکستان ایگریکلچرل ریسرچ کونسل (پی اے آر سی) وچال تعاون کوں عملی جامہ پوایا ونڄے۔ انہاں آکھیا جو زرعی تحقیق، جدید ٹیکنالوجی تے پاک-چین مشترکہ منصوبیں دے ذریعے پاکستان دے زرعی شعبے اچ انقلابی تبدیلی گھن آئی ویسی۔وزیراعظم کوں بریفنگ اچ ݙسایا ڳیا جو ہانگژو اچ 24 مئی کوں منعقدہ پاکستان-چین بی ٹو بی کانفرنس اچ 123 پاکستانی تے 436 چینی نویاں (کمپنیاں) شرکت کیتی۔ کانفرنس دے دوران تقریباً 7.54 ارب ڈالر مالیت دی 207 مفاہمتی یادداشتاں تے دستخط کیتے ڳئے۔ بریفنگ موجب بیٹری انرجی سٹوریج سسٹمز، مصنوعی ذہانت، موبائل فونز تے ہینڈ ہیلڈ ڈیوائسز دے شعبیں اچ مفاہمتی یادداشتاں تے دستخط تھئے۔ ایندے علاوہ کھاد، بیج، آبپاشی دے جدید آلات، فشریز تے فوڈ پروسیسنگ دے شعبیں اچ وسیع تعاون کیتے وی مفاہمتی یادداشتاں تے دستخط تھئے۔ بائیو ٹیکنالوجی تے ویکسین سازی سودھےجدید صنعتی شعبیں اچ مشترکہ سرمایہ کاری کیتے ایم او یوز تے دستخط تھئے۔ اجلاس اچ وفاقی وزراء رانا تنویر حسین، احد خان چیمہ، احسن اقبال، شزا فاطمہ خواجہ تے متعلقہ اعلیٰ سرکاری افسراں شرکت کیتی۔