جدید ٹیکنالوجی نال قانونی تعلیم تئیں رسائی کوں مزید مؤثر بݨایا ونڄ سڳدے، چیف جسٹس یحییٰ آفریدی دا ’’ای کورس فار لاء پروفیشنلز 2026‘‘ دی افتتاحی تقریب توں خطاب

اسلام آباد۔ 1 جون (اے پی پی) چیف جسٹس سپریم کورٹ آف پاکستان جسٹس یحییٰ آفریدی آکھیے جو نوجوان وکلاء کوں عملی قانونی مہارتاں، پیشہ ورانہ قابلیت تے مضبوط اخلاقی بنیاداں نال آراستہ کرݨا ہک مؤثر تے عوام دوست نظامِ انصاف دی تشکیل کیتے ناگزیر اے جݙاں جو ٹیکنالوجی تے مبنی تعلیمی پلیٹ فارمز ملک اچ قانونی تعلیم تے تربیت تئیں مساوی رسائی کوں یقینی بݨاوݨ اچ اہم کردار ادا کر سڳدن۔ سپریم کورٹ دے شعبہ تعلقاتِ عامہ دے جاری اعلامیہ دے مطابق انہاں انھاں اے ڳالھ سپریم کورٹ آف پاکستان اچ ’’ای کورس فار لاء پروفیشنلز 2026‘‘ دی افتتاحی تقریب توں خطاب کریندے آکھی۔ اے ای کورس وفاقی جوڈیشل اکیڈمی پاکستان بار کونسل دے ڈائریکٹوریٹ آف لیگل ایجوکیشن دے اشتراک نال تیار کیتے۔چیف جسٹس آکھیا جو ایں اقدام دا مقصد قانونی تعلیم تے عملی پیشہ ورانہ تربیت وچال موجود خلا کوں پر کرݨا اے تاں جو بالخصوص نویں وکلاء کوں پیشہ ورانہ میدان اچ درپیش چیلنجز دا بہتر طور تے سامݨا کرݨ دے قابل بݨایا ونڄ سڳے۔ انہاں ایں موقع تے بار کونسلاں دے نمائندیں کوں ہدایت کیتی جو او کورس دے نصاب تے طریقہ کار توں متعلق اپݨی تجاویز باضابطہ طور تے ڈائریکٹوریٹ آف لیگل ایجوکیشن کوں ارسال کرن تاں جو انھاں کوں متعلقہ ادارہ جاتی فورمز تے غور کیتے پیش کیتا ونڃ سڳے۔تقریب اچ سپریم کورٹ دے جج جسٹس میاں گل حسن اورنگزیب، وفاقی جوڈیشل اکیڈمی دے ڈائریکٹر جنرل حیات علی شاہ، پاکستان بار کونسل دے وائس چیئرمین محمد مسعود چشتی، پنجاب بار کونسل، سندھ بار کونسل، خیبرپختونخوا بار کونسل، بلوچستان بار کونسل تے اسلام آباد بار کونسل دے عہدیداران سودھے ٻئے قانونی نمائندیں شرکت کیتی۔