مانسہرہ، کاغان، ناران، جھالکنڈ تے چلاس اچ نویں موٹروے تعمیر تھیسی، وفاقی وزیرِ مواصلات عبدالعلیم خان

اسلام آباد۔ 2 جون (اے پی پی) وفاقی وزیر مواصلات عبدالعلیم خان آکھیے جو مانسہرہ، کاغان، ناران، جھالکنڈ تے چلاس اچ نویں موٹروے تعمیر تھیسی، نویں موٹروے کوں براہِ راست چین نال منسلک کیتا ویسی تے اے منصوبہ ݙو مرحلے اچ مکمل تھیسی۔ وزارتِ مواصلات توں جاری بیان موجب وفاقی وزیرِ مواصلات عبدالعلیم خان دی صدارت اچ این ایچ اے دا اہم اجلاس منعقد تھیا۔ اجلاس اچ وفاقی سیکرٹری مواصلات تے چیئرمین این ایچ اے وفاقی وزیرِ مواصلات کوں اہم امور تے بریفنگ ݙتی۔ اجلاس دی بریفنگ اچ ݙسایا ڳیا جو ایم این جے سی موٹروے دی کل لمبائی 172 کلومیٹر ہوسی، منصوبے اچ 13.5 کلومیٹر طویل بابوسر ٹنل بݨسی جیڑھی جو پاکستان دی طویل ترین ٹنل ہوسی۔اجلاس اچ ڳالھ کریندے وفاقی وزیر آکھیا جو منصوبے دے پہلے مرحلے اچ موٹروے مانسہرہ توں کاغان، ناران تے بابوسر ٹاپ تئیں بݨائی ویسے، ݙوجھے مرحلے اچ ایں موٹروے منصوبے کوں بابوسر ٹاپ توں چلاس تئیں مکمل کیتا ویسی۔ انہاں آکھیا جو اے موٹروے شاہراہِ قراقرم دے متبادل دے طور تے بہترین تے محفوظ راستہ ݙیسی، ایم این جے سی موٹروے نال شاہراہِ قراقرم دا سفر 120 کلومیٹر تئیں گھٹ تھی ویسے، موٹروے دا اے نیٹ ورک مغربی چین کوں کراچی تے گوادر دی بندرگاہواں نال جوڑیسی۔عبدالعلیم خان آکھیا جو اے نویں موٹروے مغربی چین توں بحیرہ عرب تئیں تکھے، مختصر تے موزوں ترین روٹ ہوسی، گوادر بندرگاہ دی پائیدار ترقی کیتے اے موٹروے منصوبہ حقیقی گیم چینجر ثابت تھیسی۔ وفاقی وزیر آکھیا جو مستقبل اچ 4 لین تے مشتمل ایں موٹروے کوں 6 لین تئیں ودھاوݨ دی گنجائش رکھی ویسے، ایم این جے سی موٹروے تے ہر 25 توں 30 کلومیٹر بعد ریسٹ ایریاز بݨسن، ایں موٹروے دے ݙوہیں پاسوں گڈز ٹرانسپورٹ کیتے ٹرکنگ ٹرمینلز بݨسن