راولپنڈی۔ 2 جون (اے پی پی) وفاقی وزیرِ ریلوے محمد حنیف عباسی نال سٹیشن کمانڈر راولپنڈی بریگیڈیئر علی انجم سید ملاقات کیتی جیندے اچ راولپنڈی ریلوے سٹیشن تے ملحقہ علاقیں دی اپ لفٹنگ تے خوبصورتی دے منصوبے تے تفصیلی بریفنگ ݙتی ڳئی۔ ملاقات اچ سٹیشن دی تزئین و آرائش، شہری سہولتاں دی بہتری تے علاقے کوں ہک مربوط تے جدید شکل ݙیوݨ متعلق امور تے ڳالھ مہاڑ کیتی ڳئی۔ وزارتِ …
وفاقی وزیرِ ریلوے نال سٹیشن کمانڈر راولپنڈی دی ملاقات
مزید خبراں
راولپنڈی۔ 2 جون (اے پی پی) وفاقی وزیرِ ریلوے محمد حنیف عباسی نال سٹیشن کمانڈر راولپنڈی بریگیڈیئر علی انجم سید ملاقات کیتی جیندے اچ راولپنڈی ریلوے سٹیشن تے ملحقہ علاقیں دی اپ لفٹنگ تے خوبصورتی دے منصوبے تے تفصیلی بریفنگ ݙتی ڳئی۔ ملاقات اچ سٹیشن دی تزئین و آرائش، شہری سہولتاں دی بہتری تے علاقے کوں ہک مربوط تے جدید شکل ݙیوݨ متعلق امور تے ڳالھ مہاڑ کیتی ڳئی۔ وزارتِ ریلوے دے میڈیا آفس موجب وفاقی وزیرِ ریلوے محمد حنیف عباسی ایں موقع تے آکھیا جو راولپنڈی ریلوے سٹیشن کوں ہک منفرد، شاہانہ تے تاریخی شناخت ݙتی ویسے جیڑھی جو پاکستان دے ثقافتی ورثے دی عکاس ہوسی۔ انہاں آکھیا جو سٹیشن دے اندر تے آسے پاسے دے علاقیں دی جمالیاتی بہتری کیتے جامع منصوبہ بندی کیتی ویندی پئی اے۔انہاں آکھیا جو راولپنڈی ریلوے سٹیشن کوں لاہور ریلوے سٹیشن تے ایندے نیڑے توں وی زیادہ سوہݨا تے پرکشش بݨایا ویسے جݙاں جو اینکوں ملک دا ساریں توں سوہݨا، جدید تے ثقافتی رنگاں نال مزین ریلوے سٹیشن بݨاوݨ دا ہدف مقرر کیتا ڳئے۔ وفاقی وزیرِ ریلوے موجب منصوبے دے تحت وسیع تے منظم پارکنگ ایریا قائم کیتا ویسے تاں جو مسافراں کوں بہتر سہولتاں ݙتیاں ونڃ سڳن۔ ایں طرز تے سٹیشن دے آسے پاسے موجود مارکیٹ تے دکاناں دی اپ گریڈیشن یکساں ماڈل دے تحت کیتی ویسے جݙاں جو دکاناں دے فرنٹ ڈیزائن تے تزئین و آرائش کوں وی ہک ہی طرز تے استوار کیتا ویسے۔ انہاں آکھیا جو ایں منصوبے دے ذریعے مسافراں کوں بہترین سفری سہولتاں، سوہݨے ماحول تے عالمی معیار دی خدمات ݙتیاں ویسن جݙاں جو راولپنڈی ریلوے سٹیشن دی اپ لفٹنگ نال شہر دی سیاحت تے تجارتی سرگرمیاں کوں وی ودھاراملسی۔ محمد حنیف عباسی آکھیا جو ریلوے انفراسٹرکچر دی ترقی دے نال قومی ورثے تے تاریخی شناخت دے تحفظ کوں وی یقینی بݨایا ویسے تے راولپنڈی ریلوے سٹیشن جدید ترقی، تاریخی ورثے تے پاکستانی ثقافت دے حسین امتزاج دی علامت بݨسی۔
