جسٹس ڈاکٹر سید محمد انور وفاقی شرعی عدالت دے قائم مقام چیف جسٹس دے عہدے دا حلف چا ڳھدا

اسلام آباد۔ 2 جون (اے پی پی) جسٹس ڈاکٹر سید محمد انوروفاقی شرعی عدالت دے قائم مقام چیف جسٹس دے عہدے دا حلف چا ڳھدے۔ وفاقی شرعی عدالت اچ منعقدہ پروقار حلف برداری دی تقریب دے دوران جسٹس امیر محمد خان جسٹس ڈاکٹر سید محمد انور توں قائم مقام چیف جسٹس دے عہدے دا حلف ڳھدا۔ تقریب اچ عدالتی افسران تے متعلقہ حکام شرکت کیتی۔ جسٹس ڈاکٹر سید محمد انور حلف چاوݨ دے بعد بطور قائم مقام چیف جسٹس اپݨی ذمہ واریاں سنبھال ڳھدیاں۔ واضح رہے جو صدرِ مملکت نے جسٹس ڈاکٹر سید محمد انور دی بطور قائم مقام چیف جسٹس تقرری دی منظوری ݙتی ہئی۔ حلف برداری دی تقریب وفاقی شرعی عدالت اسلام آباد اچ منعقد تھئی۔