اسلام آباد۔ 2 جون (اے پی پی) وفاقی وزیرِ داخلہ محسن نقوی نال گورنر خیبرپختونخوا فیصل کریم کنڈی اتھاں ملاقات کیتی جیندے اچ خیبرپختونخوا اچ امن عامہ دی صورتحال تے ٻئے اہم امور تے ڳالھ کیتی ڳئی۔ ملاقات اچ خیبرپختونخوا اچ انسدادِ دہشت گردی کیتے چاوݨ آلے اقدامات دا جائزہ ڳھدا ڳیا۔ وزارتِ داخلہ توں جاری بیان موجب گورنر خیبرپختونخوا صوبے کوں درپیش سکیورٹی چیلنجز توں وفاقی وزیرِ داخلہ کوں …
وزیرِ داخلہ محسن نقوی نال گورنر خیبرپختونخوا فیصل کریم کنڈی دی ملاقات
مزید خبراں
اسلام آباد۔ 2 جون (اے پی پی) وفاقی وزیرِ داخلہ محسن نقوی نال گورنر خیبرپختونخوا فیصل کریم کنڈی اتھاں ملاقات کیتی جیندے اچ خیبرپختونخوا اچ امن عامہ دی صورتحال تے ٻئے اہم امور تے ڳالھ کیتی ڳئی۔ ملاقات اچ خیبرپختونخوا اچ انسدادِ دہشت گردی کیتے چاوݨ آلے اقدامات دا جائزہ ڳھدا ڳیا۔ وزارتِ داخلہ توں جاری بیان موجب گورنر خیبرپختونخوا صوبے کوں درپیش سکیورٹی چیلنجز توں وفاقی وزیرِ داخلہ کوں آگاہ کیتا۔ وزیرِ داخلہ تے گورنر خیبرپختونخوا فتنہ الہندوستان دے دہشت گرداں دے خلاف کامیاب انٹیلی جنس بیسڈ آپریشنز تے سکیورٹی فورسز کوں خراجِ تحسین پیش کیتا۔ ݙوہیں رہنماؤاں دہشت گردی دے خلاف جنگ دے شہداء کوں خراجِ عقیدت پیش کیتا۔ وزیرِ داخلہ محسن نقوی آکھیا جو خیبرپختونخوا اچ قیامِ امن کیتے سکیورٹی فورسز دی قربانیاں ناقابلِ فراموش ہن۔ انہاں صوبہ خیبرپختونخوا اچ امن و استحکام کیتے ہر ممکن تعاون دا یقین ݙیوائے وزیرِ داخلہ محسن نقوی آکھیا جو وفاق حکومت خیبرپختونخوا اچ قیامِ امن کیتے خیبرپختونخوا حکومت دے نال مکمل تعاون کریندی پئی اے۔
