اسلام آباد۔ 2 جون (اے پی پی) وزیراعظم محمد شہباز شریف بلوچستان اچ انسدادِ دہشت گردی دی کامیاب کارروائیاں تے سکیورٹی فورسز کوں خراجِ تحسین پیش کریندے آکھیے جو پاکستان دے امن، استحکام تے ترقی دے خلاف ہر سازش کوں ناکام بݨایا ویسے۔ وزیراعظم دفتر دے میڈیا ونگ توں جاری بیان موجب وزیراعظم بلوچستان دے مختلف اضلاع اچ کامیاب انٹیلی جنس بیسڈ آپریشنز تے سکیورٹی فورسز دی پیشہ ورانہ صلاحیتاں …
وزیراعظم دا بلوچستان اچ انسدادِ دہشت گردی دی کامیاب کارروائیاں تے سکیورٹی فورسز کوں خراجِ تحسین
مزید خبراں
اسلام آباد۔ 2 جون (اے پی پی) وزیراعظم محمد شہباز شریف بلوچستان اچ انسدادِ دہشت گردی دی کامیاب کارروائیاں تے سکیورٹی فورسز کوں خراجِ تحسین پیش کریندے آکھیے جو پاکستان دے امن، استحکام تے ترقی دے خلاف ہر سازش کوں ناکام بݨایا ویسے۔ وزیراعظم دفتر دے میڈیا ونگ توں جاری بیان موجب وزیراعظم بلوچستان دے مختلف اضلاع اچ کامیاب انٹیلی جنس بیسڈ آپریشنز تے سکیورٹی فورسز دی پیشہ ورانہ صلاحیتاں تے بہادری دی تعریف کیتی۔انہاں بھارتی سرپرستی اچ سرگرم فتنہ الہندوستان دے 17 دہشت گرداں کوں ہلاک کرݨ تے سکیورٹی فورسز کوں شاباش ݙیندے آکھیا جو قوم اپݨی بہادر افواج تے قانون نافذ کرݨ آلے اداریں دی قربانیاں تے خدمات کوں قدر دی نگاہ نال ݙیکھدی اے۔ وزیراعظم آکھیا جو دہشت گردی دے خلاف جنگ اچ سکیورٹی فورسز دی کامیابیاں پوری قوم دے عزم تے اتحاد دی عکاس ہن۔ انہاں آکھیا جو بھارتی سرپرستی اچ سرگرم دہشت گرد عناصر دے ناپاک عزائم کوں ہر قیمت تے ناکام بݨایا ویسے۔ وزیراعظم واضح کیتا جو دہشت گردی دے مکمل خاتمے تئیں انسدادِ دہشت گردی دی کارروائیاں جاری رہسن، دہشت گردی دے ناسور دے مکمل خاتمے کیتے حکومت سکیورٹی فورسز تے قانون نافذ کرݨ آلے اداریں دے رلے کھڑی اے، پاکستان دے امن، استحکام تے ترقی دے خلاف ہر سازش کوں ناکام بݨایا ویسے۔
