مسلم لیگ (ن) تعمیر و ترقی، معاشی استحکام تے عوامی خدمت دی مستقل روایت اے، ڈاکٹر طارق فضل چوہدری

اسام آباد۔ 4 جون (اے پی پی) وفاقی وزیر پارلیمانی امور ڈاکٹر طارق فضل چوہدری آکھیے جو پاکستان مسلم لیگ (ن) محض ہک سیاسی جماعت دا ناں کائنی اے ملک اچ تعمیر و ترقی، معاشی استحکام تے عوامی خدمت دی ہک مستقل روایت اے۔ سماجی رابطہ دی ویب سائٹ ایکس تے اپݨے بیان اچ انھاں آکھیا جو ماضی گواہ اے جو جݙاں وی قیادت کوں موقع ملیا، اساں عوام کوں سفری اوکھ ، بجلی دی لوڈ شیڈنگ تے صحت و تعلیم جیھے بنیادی مسئلیں توں نجات ݙیوائی۔ گلگت بلتستان دے غیور عوام گواہ ہن جو یونیورسٹی آف بلتستان، گلگت کارڈیک ہسپتال، گلگت سکردو موٹروے، سیف سٹی، دانش سکولز تے کینسر ہسپتال جیھے بے شمار میگا پراجیکٹس ایں وژن دا منہ ٻولیندا ثبوت ہن۔ جےعوامی خدمت دے ایں سفر اچ سیاسی رکاوٹاں نہ پاتیاں ونڄن تاں ایہا جماعت پاکستان کوں دنیا دے نمایاں ترین تے ترقی یافتہ ملکاں دی صف اچ کھڑا کرݨ دی بھرپور صلاحیت رکھیندی اے۔