سپیکر قومی اسمبلی نال ایرانی سفیر دی پارلیمنٹ ہاؤس اچ ملاقات

اسلام آباد۔15 جون (اے پی پی)سپیکر قومی اسمبلی سردار ایاز صادق نال پاکستان اچ تعینات ایران دے سفیر رضا امیری مقدم پارلیمنٹ ہاؤس اچ ملاقات کیتی۔ انہاں ایران امریکہ امن معاہدے تے ایرانی قیادت اتے عوام کوں مبارک ݙتی۔ قومی اسمبلی سیکرٹریٹ دے مطابق سپیکر قومی اسمبلی ایران اتے امریکہ وچال امن معاہدے دا خیرمقدم کریندے آکھیا جو معاہدہ خطے اچ امن، استحکام اتے باہمی اعتماد ودھاوݨ کیتے ہک مثبت اتے حوصلہ افزا قدم اے، ایران امریکہ امن معاہدہ علاقائی و عالمی سطح تے امن سانڳے اہم کردار ادا کریسی۔ایرانی سفیر ایران اتے امریکہ وچال امن معاہدے کیتے پاکستان دی حکومت، پارلیمان اتے سفارتی قیادت دی کوششاں کوں سراہیا۔ انھاں پاکستان دی پارلیمان، حکومت اتے عسکری قیادت کوں ایران امریکہ امن معاہدے کیتے کامیاب سفارتکاری تے مبارکباد پیش کیتی۔ ایرانی سفیر ایران اتے امریکہ وچال جنگ بندی تے امن معاہدے دے حصول اچ پاکستان دی سیاسی، پارلیمانی، سفارتی، سول اتے عسکری قیادت دیاں کوششاں کوں قابلِ تحسین قرار ݙتا۔ ݙوہائیں رہنماواں پاک۔ایران ݙوطرفہ تعلقات، باہمی دلچسپی دے امور، پارلیمانی روابط دے ودھارے اتے خطے دی مجموعی صورتحال تے تفصیلی ڳالھ تھئی۔ ایرانی سفیر اپݨے وفد نال قومی اسمبلی اجلاس دی کارروائی وی ݙٹھی۔ ایرانی سفیر آکھیا جو ایران دی حکومت اتے عوام پاکستان دی پارلیمان، حکومت، عسکری قیادت اتے عوام ولوں ایران اتے امریکہ وچال جنگ بندی اتے امن معاہدے کیتے مخلصانہ کردار کوں ہمیشہ یاد رکھیسی۔