پاکستان دی انٹربینک مارکیٹ اچ امریکی ڈالر دے مقابلے اچ پاکستانی روپے دی قدر اچ اضافہ

اسلام آباد۔17 جون (اے پی پی)پاکستان دی انٹربینک مارکیٹ اچ امریکی ڈالر دے مقابلے اچ پاکستانی روپے دی قدر ودھ ڳئی اے۔ سٹیٹ بینک آف پاکستان دے مطابق ٻدھ کوں انٹربینک مارکیٹ اچ امریکی ڈالر دے مقابلے اچ پاکستانی روپے دی قدر اچ 03 پیسے ودھارا ریکارڈ کیتا ڳئے جیںدے بعد ایںدی نویں قیمت 278 روپے 27 پیسے تھی ڳئی اے۔ انٹربینک مارکیٹ اچ سعودی ریال دی قدر 74 روپے 1 پیسہ ڄݙاں جو بحرینی دینار دی قدر 738 روپے 06 پیسے رہی۔ عمانی ریال دی انٹربینک مارکیٹ اچ قدر 722 روپے 82 پیسے رہی، کویتی دینار دی قدر 906 روپے 57 پیسے اتے قطری ریال دی قدر 76 روپے 32 پیسے ریکارڈ کیتی ڳئی۔ ݙوجھے پاسے اوپن مارکیٹ اچ امریکی ڈالر دی قیمتِ خرید 279 روپے اتے قیمتِ فروخت 279 روپے 35 پیسے ریکارڈ کیتی ڳئی۔