عالمی مارکیٹ اچ خام تیل دیاں قیمتاں ٻیاں ڳھٹ ڳئن

اسلام آباد۔18 جون(اے پی پی)عالمی مارکیٹ اچ خام تیل دیاں قیمتاں اچ مزید کمی ریکارڈ کیتی ڳئی اے۔ ایران اتے امریکہ دے صدور ولوں امن معاہدے دی یادداشت تے دستخط دے بعد بین الاقوامی منڈی اچ تیل دیاں قیمتاں تے ٻھار ڳھٹیے اتے خام تیل ٻیا سستا تھی ڳئے۔ اعداد و شمار دے مطابق امریکی خام تیل دی قیمت 74 ڈالر فی بیرل تئیں ڈھے ڳئی اے، ڄݙاں جو برطانوی برینٹ خام تیل 77 ڈالر فی بیرل تے وکدا پئے۔ متحدہ عرب امارات دا مربن خام تیل وی 74 ڈالر فی بیرل دی سطح تے ٹریڈ کریندا پئے۔ ݙوجھے پاسے جاپان، جنوبی کوریا اتے ٻین ایشیائی مالیاتی منڈیاں اچ سرمایہ کاراں دے اعتماد اچ اضافہ ݙیکھݨ کوں آئے، جیںدے نال مختلف اسٹاک انڈیکسز اچ بہتری ریکارڈ کیتی ڳئی اے۔ ماہرین دے مطابق عالمی سطح تے خام تیل دیاں قیمتاں اچ کمی دے اثرات پاکستان تے وی پوسن۔ معاشی ماہرین دا آکھݨ اے جیکر عالمی منڈی اچ خام تیل دیاں قیمتاں اچ کمی دا رجحان برقرار ریہا تاں ایںدے نال پاکستان دے درآمدی بل اچ کمی، مہنگائی اچ مزید کمی اتے مجموعی اقتصادی سرگرمیاں اچ بہتری آوݨ دی امید اے۔