بیروت۔20 جون(اے پی پی)ایران لبنان دے مختلف علاقیاں تے اسرائیلی فوج دیاں کارروائیاں دی مذمت کریندے ہوئیں چتاوݨی ݙتی اے جو اسرائیل دیاں اے پالیسیاں علاقائی امن و سلامتی کیتے خطرناک ثابت تھی سڳدن۔ ایرانی خبر رساں ادارے تسنیم دے مطابق ایرانی وزارتِ خارجہ دے ترجمان اسماعیل بقائی لبنان دے مختلف حصیاں تے اسرائیلی حملیاں دی مذمت کریندے آکھیے جو انھاں حملیاں دے نتیجے اچ درجناں لبنانی شہری شہید اتے …
ایران دی لبنان تے اسرائیلی حملیاں دی مذمت
مزید خبراں
بیروت۔20 جون(اے پی پی)ایران لبنان دے مختلف علاقیاں تے اسرائیلی فوج دیاں کارروائیاں دی مذمت کریندے ہوئیں چتاوݨی ݙتی اے جو اسرائیل دیاں اے پالیسیاں علاقائی امن و سلامتی کیتے خطرناک ثابت تھی سڳدن۔ ایرانی خبر رساں ادارے تسنیم دے مطابق ایرانی وزارتِ خارجہ دے ترجمان اسماعیل بقائی لبنان دے مختلف حصیاں تے اسرائیلی حملیاں دی مذمت کریندے آکھیے جو انھاں حملیاں دے نتیجے اچ درجناں لبنانی شہری شہید اتے زخمی تھئن، ڄݙاں جو ملک دے بنیادی ڈھانچے کوں وی شدید نقصان پڄے۔ ایرانی وزارتِ خارجہ دے ترجمان آکھیا جو قابض اتے نسل کش صہیونی حکومت ولوں کشیدگی مسلسل ودھݨ دے علاقائی امن و سلامتی تے ݙاݙھے سنگین اثرات پوسن۔
