پٹرول سستا تھیوݨ دے بعد سولر پلیٹاں دا ملھ وی ݙھاݨ لڳ ڳئے

اسلام آباد۔20 جون (اے پی پی)پٹرول سستا تھیوݨ دے بعد سولر پلیٹاں دا ملھ وی ݙھاݨ لڳ ڳئے ۔ ذرائع دے مطابق مختلف واٹس دیاں سولر پلیٹس دیاں قیمتاں اچ 4 توں 9 ہزار روپے تئیں دی کمی تھی ڳئی اے۔ مارکیٹ ذرائع دے مطابق پٹرولیم مصنوعات اچ کمی دے بعد آوݨ والے ݙینھاں اچ سولر پلیٹس دیاں قیمتاں اچ ٻئی کمی متوقع اے۔ ݙسایا ڳئے جو پٹرولیم مصنوعات دیاں ودھ قیمتاں پاروں بیٹریاں وی مہنگیاں وکدیان پیاں ہن، پٹرولیم مصنوعات دیاں قیمتاں اچ کمی دے بعد بیٹریاں دی قیمت وی گھٹ تھیوݨ دا امکان اے۔ مارکیٹ ذرائع موجب 1 بیٹری دی قیمت اچ 27 توں 38 ہزار روپے تئیں ودھارا تھیا ہئی۔