چیئرمین سینیٹ سید یوسف رضا گیلانی دی مری ایکسپریس سانحے دے متاثرہ خاندان کوں پرچاوݨی

اسلام آباد/ملتان۔21 جون(اے پی پی)چیئرمین سینیٹ سید یوسف رضا گیلانی مری ایکسپریس وی دے المناک حادثے اچ جاں بحق ہووݨ والے لوکاں دے لواحقین نال افسوس کریندے سانحے تے ارمان کیتے۔ انہاں آکھیا جو ہک اینڄھا فسسوناک سانحہ اے جیں پورے وسیب کوں سوگوار کر ݙتے۔ آݙت کوں چیئرمین سینیٹ متاثرہ خانداناں نال ونڄ ملین اتے آکھیے جو ہکے ٹٻر دے 5 ڄمیاں دا فوت تھیوݨ ݙاݙھے ݙکھ دی ڳالھ، میں پہلے وی مکاݨ کیتے اپݨے پتر کوں خاص کر ٻھڄیا ہا۔ سید یوسف رضا گیلانی آکھیا جو جاں بحق افراد کیتے راولپنڈی انتظامیہ انتظامات کیتے ہن اتے اے ضروری اے جو متاثرہ خانداناں دی ہر ممکن مدد کیتی ونڄے۔ انھاں پنجاب حکومت توں اپیل کیتی جو لواحقین دی مالی اتے انتظامی معاونت کرے اتے انھاں دا قیمتی سامان وی تیکھے ولا ݙتا ونڄے۔ انھاں آکھیا جو او ملتان انتظامیہ کوں وی اکھسن جو متاثرہ خانداناں کیتے ہر ممکن اقدامات کرن تاں جو انہاں کوں ویلھے سر امداد اتے سوکھ مل سڳے۔ چیئرمین سینیٹ دعا کیتی جو اللہ تعالیٰ مرحومین کوں جنت الفردوس اچ ڄاہ ݙیوے اتے لواحقین کوں صبرِ جمیل ݙیوے۔